ئەوەیش لە وتاریگ هات کە لە مەوقەی دەسکردن وە پەنجەمین کۆنگرەی حزبەگە پیشکەشی کرد، کە لە شار سلێمانی وەڕیەو چگ.
بارزانی لە وتارەگەی وت: ئومید خوازیمن کۆنگرەگە دەرئەنجامیگ خاس و ئەرێنی لەبان رەوش سیاسی هەرێم و عراق بوود، وە یادهاوردن دامەزرێنەر کووچکردگ حزبەگە، جەلال تاڵەبانی، وتیش: یەکێتی نیشتمانی یادەوەرییە ئەرا رەحمەتی، و و بایەسە وە خود
هەس وهویرکردن و رینمایی هووشیاری و یەکگرتگی، گرفتەیل چارەسەر بکریەن ئەرا مقیەتیکردن بەرژەوەنیە گشتیەیل وەپەی بناغەیل رەحمەتی.
سەرۆک نێچیروان بارزانی هەمیش وت: یەکێتی نیشتمانی کوردستان رۆڵیگ ئاشکرا و سەرەکی لە بزووتنەوەی ئازادیخوازی کوردستان دیرێد، وتیش: لە سەردەم ئازادی و وەگەرد پارت دیموکراتی کوردستان دوو هیز گەورە و دامەزرێنەر ئەزموون و دەسکەفت هەرێم کوردستان بوین، و وە بەشداری و هاوکاری بەرەی کوردستانی و ئەو هیز و لایەنە سیاسییەیل ترەک، میژوو نویگ ئەرا گەل کوردستان نویسانن.
سەرۆک نێچیروان بارزانی وتیش: لە ئیسە یەکێتی نیشتمانی لە هەرێم کوردستان و عراق یەکیگە لە هیزە سەرەکییەیل پڕۆسەی سیاسی و یەیش وەرپرسیاریەتیگ نیشتمانی گەورە خەێدە گەردنی، و وەگەرد لایەنە سیاسییەیل و پیکاتەیل هەرێمیش، کە گشتیان وەیەکەو وەرپرسایەتی یەکڕزی و یەکگرتگی و کار هاوبەشیان لە گەردنیانە ئەرا مقیەتیکردن ماف و دەستکەفتە دەستوورییەیل گەل کوردستان.
نێچیروان بارزانی دووپات کرد، ئەزموون کار هاوبەشی پارتی دیموکراتی کوردستان و یەکێتی نیشتمانی کوردستان، وە هاوکاری و برایانەی ریبەر کورد مەسعوود بارزانی و جەلال تاڵەبانی نەمر، چەسپانن کە سەرکەفتن لە یەکڕزی کار هاوبەشە، وتیش: سەرکەفتن راپەڕین ساڵ 1991 و ئەزموون فیدراڵی کە یەکیگە لە مافەیل گەل کوردستان، لە دەستوور عراق هاتیە، و ئاوەدانکردن گەشەکردن و هەرێم کوردستان ئەنجام ڕاستەوخۆی ئی هاوکاری و یەکگرتگی و برایەتیەس.
دووپاتیش کرد کە وەخاتر وەپشتسەرنان گشت گیچەڵەیل ئەرا چارەسەرکردنیان، و مقیەتیکردن دەستکەفت و مافە دەستوورییەیل هەرێم کوردستان، تاکە رییگە ئەرا ئیمە وەردەوامیە لە هاوکاری و قبوڵکردن ئەوانەی تر، کار هاوبەشی ناوەین لایەنە سیاسییەیل و پیکاتەیل کوردستان لەیرا و لە بەغداد، وتیش: هیز ئیمە ها لە یەکگرتگی بمینێد، وەنە زیان و لاوازی کەفێدە هەرێم کوردستان.
نێچیروان بارزانی سەرۆک هەرێم کوردستان هەمیش وت: ئی قۆناغە و ئەو تەحەددای و مەترسییەیلە کە کەفنە ری هەرێم کوردستان، وەجویرەگ خوازێد هیز و لایەنە سیاسییەیل گشت ناکۆکییەیلیان بخەنە کەنار، کە ئەوان هەرێم وەهیزتر بکەن، پێگەی ئیمە و تەواوکەر ئیمەیش یەک بویمن لە بەغدا، و سروشتیە کە لە نووڕین و هەڵوێست و سیاسی حزب و لایەنەکانەیل پێشبڕکێ بوود، بەڵام بایەسە بەرژەوەنی هاوبەش داشتویمن کە ئەرا ئامانجیگ دیاریکریای گردمانەو بکەێد، ئەویش مقیەتیکردن ئەزموونە، مافەیل، و دەستکەفتە دەستوورییەیل هەرێم کوردستان.
هەمیش داوای نەهیشتن دەسوەردان حزبی لە کاروبار دامودەزگا و دەسە حکومەتەیل و پیشمەرگە و هیزە ئەمنییەیل کرد، و زوور لەبان گرنکی دانان بەرژەوەنی کوردستان لە بان گشت بەرژەوەنییگ و وەرچەوگردنیگ کرد، و نەبایەس ململانی حزبی و سیاسی رخیگ یا هەڕەشە بوود لەبان قەوارەی سیاسی و دەستور هەرێم کوردستان.