شەفەق نیوز/ نێچیروان بارزانی سەرۆک هەرێم کوردستان، ئمڕوو جمعە، وەگەرد هانز جۆرج ئینگلکه وەزیر دەوڵەت ئەڵمانیا، باس هاوکاری هاوبەش و کاروبار ئاوارەیل و کووچبەری نایاسایی کرد.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لە چوارچێوەی کارەیل کۆنفرانس میونشن ئەرا ئاسایش، سەرۆک هەرێم کوردستان وەرد هانز جۆرج ئینگلکه گردەو بوی، کە باس هاوکاری هاوبەش ناوەین ئەڵمانیا و عراق و هەرێم کوردستان کردن.
هەردوگ لایەن دووپات لەبان وەردەوامی پاڵپشتیکردن ئەڵمانیا ئەرا لایەنەیل پەیوەندیدار لە عراق و هەرێم کوردستان کردن، وەتایبەت لە کاروبار ئاوارەیل، کووچبەری نایاسایی، و دژایەتی تاوان.
هەمیش نووڕینەیل خوەیان لەبان پەیوەندییەیل ناوەین هەولێر و بەغدا، و رەوشەیل ناو عراق و هەرێم کوردستان ئەرا یەکتری وتن.
لە دیدارەگە، بارزانی سەرەخوەشی لە حکومەت و گەل ئەڵمانیا و خیزانەیل قوربانیەیل ئەو پەلامار تیرۆریە کە دویەکە لە میونشن رویدا، و بویە هوکار زەخمداری بڕیگ هاوڵاتی، لە ئەنجام تلیان وە ماشین.