شەفەق نیوز/ نێچیروان بارزانی سەرۆک هەرێم کوردستان، ئمڕوو دووشەممە، وەگەرد سەرۆک هاوپەیمان ئەساس، رێککەفتن لەبان راسەوکردن یاسای بودجە وەشیوەیگ ماف و شایستەیل هەرێم کوردستان و مووچەی فەرمانبەرەیلی مسۆگەر بکەێد.

نویسنگەی راگەیانن سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: نێچیروان بارزانی سەرۆک هەرێم کوردستان، ئیوارەی ئمڕوو، چەوی کەفتە موحسین مەندەلاوی سەرۆک هاوپەیمان ئەساس.

وتیش: لە دیدارەگە باس رەوشەیل سیاسی لە عراق و پەیوەندییەیل هەرێم کوردستان وەگەرد حکومەت فیدڕاڵی کریا، کە هەردوگیان دووپات لەبان گرنگی هاوکاری ناوەین لایەنەیل کردن ئەرا قایمکردن ئارامی و وەدەسهاوردن گەشەپیدان لە عراق. 

دیاری کرد کە هەردوگ لایەن هاوڕا بوین لەبان راسەوکردن یاسای بودجە ئەرا ساڵ 2025 وەشیوەیگ گشت ماف و شایستەیل هەرێم کوردستان و مووچەی فەرمانبەرەیل مسۆگەر بکەێد وەبی کیشە و ریگری.

لە لاییگ ترەک لە دیدارەگە باس رەوشەیل ناوچەگە و کاریگەرییەیلی لەبان عراق کریا، ز هەردوگیان دووپات لەبان گرنگی کار هاوبەش کردن ئەرا نواگیریکردن سەختیەیل و دویرخستن عراق لە جەنگ.