شەفەق نیوز/ دڵشاد شەهاب قسەکەر سەرۆکایەتی هەرێم کوردستان، ئمڕوو دووشەممە، وت: ئەوەسا نێچیروان بارزانی سەرۆک هەرێم کوردستان وە مکیس فەرمی لەلایەن ئیلهام عەلیێف سەرۆک ئازەربایجان سەردان باکو پایتەخت کەێد، ئەرا ئامادەبوین لە کۆنفرانس نەتەوە یەکگرتگەیل کە تایبەتمەنە وە ئاڵشتبوین کەشوهەوا COP24.

شەهاب لە بەیاننامەیگ رەسیە ئاژانس شەفەق نیوز وت: نێچیروان بارزانی ئەوەسا وەگەرد سەرکردەیل جەهان، سوو سێشەممە، لە رسوومەیل وازکردن ئەو کۆنفرانسە بەشداری کەێد کە ئەرا باسکردن لە سەختیەیل ژینگە و گیچەڵ و دەرئەنجامەیل ئاڵشتبوین کەشوهەوا وەڕیەو چوود.

لە گرنگترین باوەتەیل دانوسەنین لەی کۆنفرانسە، سپۆنسەرکردن وزەی پاک جویر جیگریگ ئەرا وزەی نەفتی، و کەمەوکردن تەکان زەرەدبەخش، و بەرزکردن توانای کۆمەڵگایل ئەرا نواگیریکردن ئاڵشتبوین کەشوهەوا، ئەوەیش لەسای بەرزەوبوین دیاردەیل ویرانکەر کەشوهەوا.

ئەو کۆنفرانسە بوودە دەرفەت گرنگیگ ئەرا دەوڵەتەیل تا پلان کار نیشتمانییان پیشکەش بکەن، لەباوەت کەشوهەوا وەگورەی رێککەفن پاریس، کە بڕیار بوی وەگەرد سەرەتای ساڵ ٢٠٢٥ بوود، ئەگەر ئی پلانەیلە وەشیوەی راسیگ جیوەجی کریان، نیەیلێد پلەی گەرمی لە ١.٥ پلەی سەدی لەبان ئاست وەرجە پیشەسازی بەرزەو بوود، و دووقاتەو بوود جویر پلان بەرهەمهاوردن کە پشت ئامانجەیل ئەوزەڵکردن وەردەوام گرێد.

ساڵانە کۆنفرانس لایەنەیل وەڕیەو چوود، و سەرۆکایەتی ناوەین ئەو پەنج ناوچە وەنۆڕە گرنەی کە لەلایەن نەتەوە یەکگرتگەیل دیاری کریانە.

ئمساڵ ئازەربایجان پەسەن کریا ئەرا سەرۆکایەتی کۆنفرانس بیس و نۆهەم لایەنەیل (COP29)، کە لە باکو وەڕیەو چوود، کە ئازەربایجان لیست پڕیگ لە میوانداری رویداوەیل ناودەوڵەتی دیرێد.