شەفەق نیوز/ سەرۆک هەرێم کوردستان نێچیروان بارزانی و خانمە نوێنەر تایوەت سکرتێر گشتی نەتەوە یەکگرتگەیل جینین پلاسخارت، ئمڕوو چوارشەممە، دووپاتکرد پێویستی و گرنگی وەڕێوەچگن هەڵوژاردن لە هەرێم.
سەرۆک هەرێم کوردستان لە بەیاننامەیگ رەسیە ئاژانس شەفەق نیوز وت، نێچیروان بارزانی سەرۆک هەرێم کوردستان، نیمەڕووی ئمڕوو گردەوبوینیگ وەرد جینین پلاسخارت نوێنەر تایبەت سکرتێر گشتی وڵاتە یەکگرتگەیل لە عراق ئەنجامدا، وتیش هەردووگلا گفتوگوکردن لەباوەت بارودۆخ سیاسی عراق و هەرێم کوردستان و بارودۆخ هەڵوژاردن پەرلەمان کوردستان.
وەپای بەیاننامەگە هەردووگلا هاوڕا بوین لە پێویستی و گرنگی وەڕێوەچگن هەڵوژاردن لە هەرێم کوردستان، و رووشنایی خستنە بان تێبینی لایەنەیل سیاسی و تەقەلا جوراوجویرەیل هەمەلایەنە ئەرا لاوردن بەربەستەیل نوای پرۆسەگە، و دووپاتکرد لە بەشداری گشت لایەنەیل لە هەڵوژاردن، و ئاڵشتکردن هویروڕا لەی باوەتە.
دیاریکرد، گیچەڵەیل هەولێر و بەغداد و دویا پیشهاتەیل گفتوگو هەردوگلا ئەرا چارەسەرکردنی، لایەنیگتر بوی لە تەوەریگ ترەک بوی لە کووبوینەوەگە.