ئەوەیش لە دیداریگ نێچیروان بارزانی وەرد ژەنیڕاڵ جویل فول و شاند یاوەری هات، شەوەکی ئمڕوو، وەگورەی بەیاننامەیگ لە سەرۆکایەتی هەرێم کوردستان.

بەیاننامەگە وتیش: لە دیدارەگە باس هاوکاری هیزەیل هاوپەیمان ناودەوڵەتی وەرد عراق و هەرێم کوردستان لە نواگیری هەڕەشەیل تیرۆر و لەناوبردن بەکجاری داعش، و دەسمیەتیداین سوپای عراق و هیزەیل پیشمەرگە لە ئامادەکردن و راهێنانیان و پیشکەشکردن راویژکاری سەربازی، و لەناوبردن هەڕەشەیل تیرۆر لە عراق و سوریا و ناوچەگە وە شیوەی گشتی.

 بەیاننامەگە وتیش: هەردوگ لایەنەگە دووپات لەبان مقیەتیکردن هیزەیل هاوپەیمانی ناودەوڵەتی و شاندەیل دیبلۆماسی لە عراق کردن، و هاوڕا بوین کە ئارامی عراق گرنگە ئەرا ناوچەگە و بایەسە هویچ دەرفەتیگ ئەرا دەرچگن تیرۆر جاریگتر نیریەێد، و باس پەلامارەیل فڕۆکەیل بێفڕۆکەوان لەبان هەرێم کوردستان کردن.

رەوشەیل ناوخوەیی هەرێم کوردستان، و یەکێتی هیزەیل پیشمەرگە، ئاڵووزیەیل خوەرھەڵات ناوڕاس و جەنگ لە غەزە و کاریگەریی لەبان ناوچەگە، و بڕیگ باوەت خاوەن گرنگی لەلای هەردوگ لایەنەگە باس ناو ئەو دیدارە بوین کە شمارەیگ لە دیبلۆماسی و وەرپرسەیل سەربازی ئامادەی بوین.