شفەق نيوز/ نێچیروان بارزانی سەرۆک هەرێم کوردستان، ئمڕوو دووشەممە، وەگەرد عەلی ئەکبەر ئەحمەدیان ئەمیندار ئەنجومەن باڵای ئاسایش نەتەوەیی لە کۆمار ئیسلامی ئیران گردەو بوی، ئەوەیش لە دویەم رووژ سەردان فەرمیی ئەرا تەهران.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: هەردوگ لایەن لە دیدارەگە باس پەیوەندییەیل ناوەین کۆمار ئیسلامی ئیران و هەرلە عراق و هەرێم کوردستان کردن، وەگەرد نووڕینەیل لەبان شیوەیل هەماهەنگی و هاوکاری هاوبەش، وەتایبەت لە چین ئاسایش و ئارامی.
سەرۆک نێچیروان بارزانی لە دیدارەگە دووپات لەبان هەڵوێست هەرێم کوردستان کرد نە وەهویچ شیوەیگ رازی نییە زەویەیلی و سنووری جویر سەرچەوەی هەڕەشە لەبان ئاسایش وڵاتەیل هاوسا وەکار باریەن.
هەمیش لە دیدارەگە باس دویاترین نووەوبویەل و گەشەیل لە ناوچەی خوەرهەڵات ناوڕاس کریا، و بڕیگ باوەت گرنگ لەلای هەردوگ لایەن.