شەفەق نيوز/ نێچیروان بارزانی سەرۆک هەرێم کوردستان، ئمڕوو یەکشەممە، چەوی کەفتە شاه عەبدولڵا سانی بن حوسەین شای ئوردن لە عەممان پایتەخت.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لە دیدارەگە باس شیوەیل پاڵپشتیکردن پەیوەندییەیل ناوەین ئوردن و عراق و هەرێم کوردستان، و فراوانکردن چینەیل هاوکاری لە لایەنەیل سیاسی و ئابووری و ئەمنی، وەگەرد باسکردن لە هویروڕای بوخاری لەباوەت دویاترین گەشەیل هەرێمی و ناودەوڵەتی.
نێچیروان بارزانی رێز قویلی ئەرا پاڵپشتیکردن شانشین ئوردن هاشمی ئەڕا عراق و هەرێم کوردستان، و نرخدار پەیوەندییەیل برادەری و میژوو هاوبەش ناوەین دوو لایەن نشان دا.
لەلای خوەیەو شاه عەبدولڵا سانی دووارە دووپات لە رکداری وڵاتەگەی کرد ئەرا گەشەپیدان پەیوەندییەیل هاوکاری و هاوبەشی وەرد عراق و هەرێم کوردستان، دووپاتیش کرد لە پابەندبوین ئوردن وە پشتگیریکردن گشت تەقەلایگ دەسمیەتی لە پاڵپشتیکردن ئاسایش و ئارامی و پیشکەفتن گەلەیل ناوچەگە بەێد.
لەلاییگ ترەک لە دیدارەگە، هەردوگ لایەن دووپات لە گرنگی هەماهەنگی هاوبەش کردن ئەرا مقیەتیکردن ئاسایش و ئارامی و ئاشتی ناوچەگە، هەمیش باس بڕیگ باوەت گرنگ لەلای هەردوگ لایەن کردن.
دویای دیدارەگە، بارزانی لە پۆستیگ لەبان پلاتفۆرم ئێکس دووپات لە رێز بەرزی ئەرا پەیوەندییەیل قایم و میژووی کە ئوردن وە عراق و هەرێم کوردستان بەسێدەو، و دووپات لە پابەندبوین هەرێم کوردستان وە وەردەوامی پاڵی پەیوەندییەیل کرد وەشیوەیگ خزمەت بەرژەوەنی هاوبەش بکەن، و سوپاس لە شای ئوردن و گەل ئوردن مرۆ ئەرا گەرمی پیشوازی و پشتگیریکردن وەردەوام ئەرا عراق و هەرێم کوردستان.
نیمەڕو ئمڕوو، نێچیروان بارزانی سەرۆک هەرێم کوردستان، وە سەردانیگ فەرمی، رەسیە عەممان پایتەخت ئوردن.