شەفەق نیوز/ سەرۆک هەرێم کوردستان نێچیروان بارزانی و سەرۆک وەزیرەیل وەرین حەێدەر عەبادی، ئمڕوو یەکشەممە هاوڕا بوین لەبان ئەوەگ نیەود هاوڵاتیەیل باج گیچەڵە سیاسیەیل بیەن وە ژیان و گوزەرانیان.
سەرۆک هەرێم کوردستان لە بەیاننامەیگ رەسیە ئاژانس شەفەق نیوز وت، سەرۆک هەرێم وەرجە نیمەڕو ئمڕوو یەکشەممە، دیداریگ وەرد سەرۆک هاوپەیمانی نەسڕ حەیدەر عەبادی ئەنجامدا، وتیش لە میانەی دیدارەگە هۆیر و بوچونەگانیان ئاڵشتکردن لەباوەت بارودۆخ عراق و پەیوەنیەگان ناوەین هەولێر بەغدا، و رووشنایی خستنە بان نووترین پیشهاتەیل ناوچەگە.
هەردوگلا دووپاتکردن لە پێویستی مقیەتیکردن عراق لە لێکەفتەیل بارودۆخ ئالۆز ناوچەگە، و گرنگی دەسمیەتیدان لایەنەیل سیاسی و پێکهاتەیل عراق ئەرا رەدکردن گیچەڵەیل و چارەسەرکردن گرفتەیل لە ری گفتوگوکردن و لەیەکفامستن، و هەردولا هاوڕا بوین هاوڵاتیەیل نیەود باج گیچەڵە سیاسیەیل وە ژیان و گوزەرانیان بیەن.
هەمیش تاوتۆێکردن مەترسیەیل تیرۆر و هەڕەشەیل داعش ئەرا ئەمن و بیوەیی وڵاتەگە لایەنیگتر بوی لە گفتوگویەلیان.