شەفەق نیوز - ئانتاڵیا

سەرۆک هەرێم کوردستان، نێچیروان بارزانی، ئمڕوو چوارشەممە، وەگەرد سەرۆک سوریا ئەحمەد شەرع، باس لە پەیوەنییەیل ناوەین سوریا و عراق و هەرێم کوردستان کرد، وەگەرد رییەیل بەهێزکردن هەماهەنگی و دەسمیەتی هاوبەش.

بەیاننامەیگ لە سەرۆکایەتی هەرێم کوردستان، کە رەسیە ئاژانس شەفەق نیوز، دیاری کرد دانیشتنەگە لە پەراوێز لوتکەی کەشوهەوا لە شار ئانتاڵیای تورکیا هات، و باس لە پەیوەنییەیل سوریا وەگەرد عراق و هەرێم کوردستان کریا، وەگەرد ئاسۆیل فراوانکردن مژارەیل دەسمیەتی وە شێوەیگ کە خزمەت بەرژەوەنییەیل  بکەێد.

لە باوەت بارودۆخ ناوچەگە، هەر دووگ لایەن دووپات لە گرنگی گرتنەوەر ووتووێژ و ریەیل ئاشتیانە و دیپلۆماسی کردن لە چارەسەرکردن ئاریشەیل و ئاڵۆزییەیل.

بەیاننامەگە دیاری کرد  بارودۆخ کورد لە سوریا تەوەریگ تر لە ووتووێژەیل پێکهاورد، و دانیشتنەگە باس لە شمارەیگ لە باوەتەیل تر خاوەن گرنگی هاوبەش لە ناوەین هەر دوو لایەن کرد.

نێچیروان بارزانی دیاریکرد ئەرا گرنگی پاراستن مافەیل کورد و مسۆگەرکردن لە دەستوور سوریا کرد، وەرد دەربڕین ئومێد خوەی کە سەرۆک شەرع لە ماوەی ئایندە سەردان بەغداد و هەولێر بکەێد.

سەرۆک هەرێم ئێوارەی دویەکە لەبان داوەتنامەیگ فەرمی لە سەرۆک تورکیا رەجەب تەیب ئەردۆغان رەسیە شار ئانتاڵیا، ئەرا بەشداری لە کۆنگرەی 31 لایەنەیل لە رێککەفتنامەی نەتەوەیل یەکگرتگ لەباوەت ئاڵشتبوین کەشوهەوا.