شەفەق نیوز/ هەرلە نێچیروان بارزانی سەرۆک هەرێم کوردستان و محمد شیاع سودانی سەرۆک وەزیرەیل عراق، ئمڕوو چوارشەممە، دووپات لە گرنگی دویرخستن عراق لە جەنگ ناوچەگە و لە رەنگدانەوەی کردن.
ئەوەیش لە دیداریگ ناوەین سەرۆک نێچیروان بارزانی وەگەرد سودانی کە لە هەولێر و دەسکردە سەردانی ئەرا هەرێم کوردستان.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: دیدارەگە باس ئەنجامەیل هەڵوژاردن پەرلەمان کوردستان، و گامەیل دروسکردن حکومەت نوو هەرێم کوردستان، و پەیوەندییەیل ناوەین هەولێر و بەغدا کرد، وەگەرد رەوشەیل وڵاتەگە و دویاترین گەشەیل ناوچەگە.
وتیش: سودانی سەرۆک وەزیرەیل پیرووزبایی لە هەرێم کوردستان کرد وە سەرکەفتن هەڵوژاردن پەرلەمان، و ئافەرین لە بەشداریکردن فراوان خەڵک هەرێم کوردستان لە دەنگدان کرد، كە نشان خوشیاری سیاسی گەل کورد دەێد و پابەندبوینی وە دیموکراتی.
وەگورەی بەیاننامەگە، هەردوگ لایەن دووپات لەبان گرنگی قایمکردن میکانیزمەبل هەماهەنگی هاوبەش و گرنگی چارەکردن باوەتەیل ناوەین هەولێر و بەغدا لوڕی دانوسەنین بیناکەر و پابەندبوین وە دەستوور عراقی، و رێک کەفتن لەبان گرنگی وەردەوامی گفتوگۆکردن ئەرا قایمکردن هاوکاری و بەرزکردن پەیوەندییەیل ناوەینیان.
لەلای خوەییش، سەرۆک نێچیروان بارزانی دەسخوەشی لە پشتگیریکردن سودانی کرد ئەرا لایەنەیل پەیوەندیدار عراق و ئەرا سەرکەفتن هەڵوژاردنەگە، و دووپات لە گرنگی قایمکردن هاوکاری ناوەین هەولێر و بەغدا لە قۆناغ هاتگ کرد.
بەیاننامەگە وتیش: لە دیدارەگە باس رەوشەیل لە ناوچەی خوەرهەڵات ناوڕاس و کاریگەریی لەبان عراق کریا، و لەی باوەتە هەردوگ لایەن دووپات لەبان دویرخستن عراق لە رەنگدانەوەی جەنگ هەرێمی کردن، و متێکێد وەیەکەو ئەرا مقیەتیکردن ئاسایش و ئارامی.
لەلای خوەییش، نویسنگەی راگەیانن سودانی لە بەیاننامەیگ وت: لە دیدارەگە باس باوەتەیل وەگشتی کریا لە ئاست نیشتمانی، و لەلییان باوەتەیل هاوبەش و گرنگی پەیاکردن چارەسەریەیل وەگورەی دەق دەستوور، و هەمیش دووپاتکردن لەبان هەماهەنگی تەقەلایل ئەرا پشتگیریکردن حکومەت فیدراڵی لە جیوەجیکردن بەرنامەیلی، و هاوکاریکردن وەرد حکومەت هەرێم کوردستان لە جویراجویر چینەیل و کەرتەیل.
سەرۆک ئەنجومەن وەزیرەیل دووپات لەبان گرنگی هاوکاری ناوەین حکومەت فیدراڵی و حکومەت هەرێم کوردستان کرد لە بڕیگ باوەت کە وەرجەیە رەسینە بەرهەم چارەکردن فرە لە باوەتەیل هاوبەش، و سەرۆک نێچیروان بارزانی نرخدار پشتگیریکردن گرنگ لە جویراجویر چینەیل کرد کە حکومەت فیدراڵی پیشکەشیان کرد، و دووپات کرد کە ئی پاڵپشتیکردنە یەکیگ لە مدووەیل سەرەکی بوی لە سەرکەفتن هەڵوژاردن لە هەرێم کوردستان.
لە دیدارەگە باس جویراجویر رەوشەیل ئەمنی و سیاسی لە ناوچەگە کریا، کە دووپات کریا لەبان هەڵوێستەیل چەسپیاگ و بنەمایی عراق وەرانەور ئەو سەختیەیلە لە ئاسایش و ئارامی، و رکداری لەبان سەروەری عراق.