شەفەق نیوز ــ هەولێر
سەرۆک هەرێم کوردستان نێچیروان بارزانی، ئمڕوو دووشەممە، کووبونەوەیگ وەرد ژەنەڕاڵ کیڤن لیهی سەرۆک هاوپەیمانی ناودەوڵەتی لە عراق و سوریا کرد، شانیگ لە هاوپەیمانیەگە وەگەردیابوی وە ئامادەبوین وەزیر کاروبار پێشمەرگە و سوپاسالارى پێشمەرگە و کۆنسۆل گشتی ئەمریکا لە هەرێم.
لە بەیاننامەیگ هەرێم رەسیە ئاژانس شەفەق نیوز راگەیان،
لە چەو وەپیکەفتنەگە دۆخ سياسى و ئهمني عراق و ههرێم كوردستان، پهيوهندييهیل ناوەیل ههولێر و بهغدا، پرۆسهى چاكسازى و يهكخستن پێشمهرگه و ههڕهشه و رخداریەیل تيرۆر و جویلەیل داعش له عراق و سووريا، تاوتوێ كریان.
هەردووگ لا دووپاتکردن، رێکخریاگ داعش تا ئیسەش هەڕەشەی راسی و رخدار لەبان ئاسایش عراق و سوریا دیرێد، دووپاتکرد لەبان گرنگی وەردەوامی هەماهەنگی و هاوکاری هاوبەش ناوەین سوپای عراق و سوریا و هێزە هاوپەیمانەیل ئەرا رویوەڕویبوین هەڕەشەیل.
سهرۆك هەرێم دەسخوەشی لە رۆل هاوپهيمانيى ناودهوڵهتى و دەسمیەتیدان عراق و ههرێم كوردستان له رویوەڕویبوین رخدارەیل تیرۆر دووپاتکرد، هەمیش دەخوەشی لە رۆل و تەقەلایەیل جەنەڕاڵ لیهی کرد وە تایوەت ئەرا پشتگیری و دەسمیەتیدان لە پرۆسەی چاکسازی و یەکخستن پێشمەرگە و هیوای سەرکەفتن ئەرای خوازی.
دۆخ سووريا و كورد و پێكهاتهیل لەورا، دوايين پیشهاتهیل ناوچهگه و كاريگهرى و لێكهفتەیل بان عراق و ههرێم كوردستان، گرنگيى پاراستن ئارامى و سهقامگيريى خوەرهەڵات ناوهڕاس، وەرد چهن پرسیگ جی بايهخ هاوبهش، تهوهر ترەک بوی لەو دیدارە.