سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: بارزانی لە تەهران پایتەخت وەگەرد مەسعوود پزیشکیان سەرۆک کۆمار ئیسلامی ئیران گردەو بوی، و لەناو دیدارەگە سەرۆک ئیران دەسخوەشی لە بەشداریکردن نێچیروان بارزانی و شاند یاوەری لە رسوومەیل قەسەمخواردن دەستووری و دەسکردن وە ئەرکەیلی کرد، و دووپات کرد کە ئیران ئارەزوو دیرێد لە گشت چینەیل پەیوەندییەیلی بەرزەو بکەێد، و هاوکاری هاوبەش وەگەرد عراق و هەرێم کوردستان قایم بکەێد.
لەلای خوەییش، بارزانی سوپاس ئەرا مکیسکردنی کرد، و دووپات کرد کە هەرێم کوردستان ئیران وە هاوسایگ گرنگ دانەێد، و کار ئەرا بەرزکردن پەیوەندییەیل عراق و هەرێم کوردستان وەرد ئیران کەێد، و مکیس سەرۆک پزیشکیان کرد سەردان هەولێر بکەێد، لە سەردانەگەی کە چەوەڕی کریاگە ئەرا بەغدا.
بارزانی دووپات لەبان ئارەزوو هەرێم کوردستان کرد ئەرا زیایکردن شمارەی گەشتیارەیل ئیرانی کە روی وەرەو باشوور عراق کەن لەڕی هەرێم کوردستان، و زیاکردن گواستنەوەی بازرگانی و فراوانکردنی ناوەین هەردوگ لایەن، وتیش؛ هەرێم کوردستان قەت نیوودە سەرچەوەی هەڕەشە لەبان ئیران و دەوڵەتەیل هاوسا.
لەو دیدارە کە شاند یاوەر سەرۆک هەرێم کوردستان ئامادەی بوب، هەردوگ لایەن ئاڤاری٣لە پەیوەندییەیل برادەری و پەیوەندییەیل میژووی ناوەین ئیران ت هەرێم کوردستان کردن، وەگەرد باسکردن لە هاوکاری ئەمنی کارا ناوەین ئیران و عراق و هەرێم کوردستان ئەرا مقیەتیکردن ئاسایش و ئارامی.