ئەوەیش لە بەیاننامەیگ لە ٤١مین ساڵیاد ئەنفالکردن بارزانییەیل، کە نێچیروان بارزانی وت: وە رێزیگ یاد هەزاران گەنج و پیاو و پیر لە بارزانییەیل کەیمن کە لە ماوەی ٣١ تەمووز تا ناوڕاس ئاب ١٩٨٣، لە هەڵمەتیگ وە حشیانە وەلایەن رژیم عراق ئەو سەردەمە لەبان کەمپە ناچاریەیل لە هەولێر، ئیجا وە جینۆساید لەنادریان، سڵاو ئەرا گیان پاکیان، وە رێزیگ سەر ئەرایان چەمنیمن، و سڵاو لە خیزان و کەسوکارەیلیان کەیمن.
وتیش: ئامانج لە ئەنفالکردن بارزانییەیل و هەکاتی گشت تاوانەیل میژوو، شکانن خوازین گەل کوردستان بوی کە وەرەو ئازادی نووڕێد، و بویە لەکەیگ سیا لە تیوڵ جیوەجیکەرەیلی.
بزووتنەوەی ئازادیخواز کوردستانی، هاز فرەیگ لە پەرووشی و رکداری دادە پی، لە نواگیریکردن ستەم و دیکتاتۆریەت وە ئازایی و بەجەرییگ قایمتر.
سەرۆک هەرێم کوردستان هەمیش وت: داڵگە دڵسووزە بارزانییەیل، و بارزانییەیل وەگشتی، بیجگە ئەنفالیش، نواگیری ژان و کاریگەریەیل بەد ئەو کەلەمە کردن، و وەبان پای خوەیان وسیان، و توەنستن کوڕەیل بیبەش لە دڵسووزییان، وە سەربەرزی پەروەردە بکەنر و نەوەیگ دڵسووز و وەتوانا گەورە کردن.
سڵاو لە گشت داڵگ و ژن و خوەشکە ئازیزەیل کەم کە وە سەربەرزی لە روی گشت ئەو ژان و سەختیەیلە وسیان، و خوەیان وەدەس نەیان، و دەسەیلیان ماچ کەم.
وتیش: سوپاس و ڕێز ئەرا گشت ئەو خانەدارەیلە کە دەسمیەتی کەلەمەدیەیلە لە بارزانییەیل دان لەو رووژەیل سەختە، قەت خزمەت و دڵسووزییان لە هویرەو نیەچوود.
سەرۆک نێچیروان بارزانی وتیش: لەی ساڵیادە دووپات کەیمن کە وەردەوام لە کار و رەنجمان بویمن ئەرا ناسانن ئەنفالکردن بارزانییەیل و ئەو کەلەمەیل ترەک کە وەسەر گەل کوردستان هاتن، جویر تاوانەیل جینۆساید و لەناوداین نەنەوەیی، لە ئاست ناودەوڵەتی، و دووپات لەبان یەکڕزی و دووسی و یەکگردن ناوەین لەلایەنەیل سیاسی و پیکاتەیل کوردستان کرد، و قەرەبووکردن کەسوکارەیل ئەنفالکریاگەیل.