شەفەق نیوز ـ هەولێر
سەرۆک هەرێم کوردستان نێچیروان بارزانی، ئمڕوو یەکشەممە، وەگەرد شاندیگ لە کومەڵە دووسایەتیی کەنەدی - کوردی لە پەرلەمان کەنەدا، گفتوگوو لە پەیوەندییە دوولایەنەیل و پیشهاتەیل ناوچەگە کردن.
لە بەیاننامەگەی سەرۆکایەتیەگە کە رەسیە ئاژانس شەفەق نیوز راگەیان: شاندە کەنەدیەگە وە سەرۆکایەتی ئەحمەد حوسێن، سەرۆک لیژنەی کاروبار دەیشت لە پەرلەمان، و وە ئەندامێتی زیاد ئەبولەتیف و ئامادەبوین شمارەیگ لە ئەندامەیل یەکێتی کۆمەڵگەیل کوردستان لە کەنەدا بوی.
وتیش؛ لە دیدارەگە گفتوگو کریا لەبان ریگەیل ئەوزەڵداین وە پەیوەندیەیل ناوەین هەرێم کوردستان وعراق و کەنەدا وەگەرد دووپاتکردن لەبان رۆل کۆمەڵگەیل کوردستانیەیل لە پتەوکردن پەیوەنیەیل ناوەین هەردووگ لا.
ئەندامەیل شاندە کەنەدییەگە دەسخوەشی دۆخ وەیەکەوژیان ئاشتیانەی ناوەین پێکهاتەیل هەرێمی کوردستان کردن، و دووپاتکردن لەبان گرنگی مقیەتیکردن لە ئاسایش و سەقامگیری و پاڵپشتیی کەنەدا ئەرا مەردم کوردستان.
لە بەیاننامەگە هاتییە، لە دیدارەگە هەمیش باس لە دویا پیشهاتەیل سیاسی و ئەمنی ناوچەگە کریا، و هەردووگ لا هویروڕای خوەیان لەبان ئەوزەڵکردن هەرێمی خستنەڕوی.