شەفەق نیوز/ نێچیروان بارزانی سەرۆک هەرێم کوردستان، وەرجە نیمەڕو ئمڕوو، لە هەولێر پایتەخت هەرێم کوردستان، وەگەرد ئۆدري ئازولاي، خانمە وەڕیەوبەر گشتی ریخریاگ نەتەوە یەکگرتگەیل ئەرا پەروەردە و زانست و روشنهویری (یونیسکۆ)، باس کار و چالاکیەیل یونیسکۆ لە هەرێم کوردستان و عراق کرد، و رووشنایی خستنە بان ئەو شوینەیلە ک ئاسەواری میژووی کوینە لە هەرێم کوردستان هاناویان.
وەگورەی بەیاننامەیگ لە سەرۆکایەتی هەرێم کوردستان، پڕۆژەی ئاوەدانکردنەوەی قڵای میژووی هەولێر، باسیگ لەناو ئەو دیدارە بوی، ک ئازولای باس گامەیل پڕۆژەگە کرد، و سوپاس ئەرا لایەنەیل پەیوەندیدار لە هەرێم کوردستان پیشکەش کرد، ئەرا هاوکاری و هەماهەنگییان وەگەرد تیمەیل یونیسکۆ ک لەناو پڕۆژەگە کار کەن.
لەلای خوەییش، سەرۆک نێچیروان بارزانی وەبەرزی نرخدار کار و چالاکیەیل یونیسکۆ لە عراق و هەرێم کوردستان کرد، و دووپات لە پاڵپشتیکردن تەواو ئەرا پڕۆژەیل ریخریایەگە لە لایەنەیل پەیوەندیدار لە هەرێم کوردستان کرد.