شەفەق نیوز/ نێچیروان بارزانی سەرۆک هەرێم کوردستان، ئمڕوو سێشەممە، لە دیداریگ وەگەرد ئیلبروس کونراشیف باڵیۆز رووسیا لەلای عراقر باس چەن باوەتیگ کرد کە لەلای هەردوگ لایەن گرنگە.

سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: سەرۆک نێچیروان بارزانی و باڵیۆز رووسیا باس پەیوەندییەیل رووسیا وەگەرد عراق و هەرێم کوردستان، و پەیوەندییەیل هەولێر - بەغداد، و هەڵوژاردن پەرلەمان کوردستان کردن.

بەیاننامەگە وتیش: هەردوگ لایەن دووپات لە گرنگی هەڵوژاردن ئەرا هەرێم کوردستان کردن، و ئومید ئەرا هەڵمەتیگ هەڵوژاردن راس و سەرکەفتگ خوازین، و هەمیش ئەرا دەنگدان، و باس مەزەنەی خوەیان لە ئەنجامەیل هەڵوژاردن و کاروبار سیاسی لە هەرێم کوردستان کردن.

دویاترین گەشەیل لە ئۆکرانیا رەوشەیل خوەرهەڵات ناوڕاس و کاریگەرییەیلی بەشیگ ترەک بوین لە باوەتەیل ئەو دیدارە  کە قونسوڵ گشتی رووسیا لە هەرێم کوردستان ئامادەی بوی.