شەفەق نیوز/ نێچیروان بارزانی سەرۆک هەرێم کوردستان، ئمڕوو یەکشەممە، باس ئومید خوەی کرد کە لایەن و هیزەیل سیاسی کوردستانی، کە لە هەڵوژاردن سەرکەفن، بتوەنن وەزویترین وەخت حکومەت هەرێم کوردستان دروس بکەن.
ئەوەیش لە کۆنگرەیگ رووژنامەوانی هات لە پشت دەنگدانی لە دەنگدان گشتی لە هەڵوژاردن پەرلەمان کوردستان لە خول شەشەمی.
نێچیروان بارزانی لەناو ئەو کۆنگرە کە پەیامنێر ئاژانس شەفەق نیوز ئامادەی بوی وت: ئومید خوازیمن حکومەت وەزویترین وەخت لە پشت هەڵوژاردن دروس بوود.
وتیش: گرنگە حکومەت هاتگ بتوەنێد هەرێم لە قۆناغیگ ئەرا قۆناغیگ ترەک بوەێد، وتیش: بیگومان هیز و لایەنەیل سیاسی نیشنە بان مێز تا پەرلەمان دەسوە دانیشتنەیلی بکەێد و حکومەت دروس بوود.
سەرۆک هەرێم کوردستان وتیش: ئی هەڵوژاردنە خوەی سەرکەفتن گەل کوردستانە و گشت پیکاتەیل لە کوردستان.