شەفەق نیوز/ نێچیروان بارزانی سەرۆک هەرێم کوردستان، و حەیدەر عبادی سەرۆک هاوپەیمان نەسر، ئمڕوو دووشەممە، دووپات لەبان گرنگی قایمکردن هاوکاری ناوەین هەولێر و بەغدا کردن ئەرا چارەسەرکردن باوەتەیل گیرهاتگ.

سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: بارزانی لە وەردەوامی بەرنامەی سەردانی ئەرا بەغداد، وەرجە نیمەڕو ئمڕوو، چەوی کەفتە عبادی، و باس ریەیل قایمکردن هاوکاری ناوەین هەولێر و بەغدا کردن، و دووپات لەبان گرنگی کارکردن هاوبەش کردن ئەرا چارەسەرکردن باوەتەیل نیشتمانی وەشیوەیگ ئارامی وڵات و ماف گشت پیکاتەیلی مسۆگەر بکەێد.

لە دیدارەگە باس گەشەیل ناوچەگە و کاریگەرییەیلی وەگەرد بڕیگ باوەت ترک کریا.