شەفەق نیوز/ نێچیروان بارزانی سەرۆک هەرێم کوردستان، و سەعید خەتیب زادە جیگر وەزیر دەیشت ئیران، ئمڕوو چوارشەممە، دووپات لە گرنگی چارەکردن باوەتەیل گیرهاتگ وەرد ئیران وەڕی گفتوگۆ.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: بارزانی لە پەراویز کۆڕبەند هەولێر سێیەم، چەوی کەفتە سەعید خەتیب زادە جیگر وەزیر دەیشت ئیران.
وتیش: لە دیدارەگە باس پەیوەندییەیل ناوەین هەرێم کوردستان و ئیران کریا، و شیوەیل پاڵپشتیکردن هاوکاری هاوبەش لە جویراجویر چینەیل، و باس نووڕینیان لەبان رەوشەیل عراق و هەرێم کوردستان کردن، وەگەرد دویاترین گەشەیل ناوچەگە.
هەردوگ لایەن دووپات لە گرنگی وەردەوامی پەیوەندی و هەماهەنگی کردن ئەرا پاڵپشتیکردن پەیوەندییەیل دووانی، وەشیوەیگ خزمەت بەرژەوەنیەیل هاوبەش هەردوگلا بکەێد، و دووپات لە گرنگی پشتبەسین وە گفتوگۆ و لەیەکفامسن کردن ئەرا چارەسەرکردن باوەتەیل گیرهاتگ، و قایمکردن ئارامی لە ناوچەگە.
وەگەرد ئەوەیش، لە دیدارەگە باس بڕیگ باوەت گرنگ لەلای هەردوگ لایەن کریا، کە باس ئاسوو هاوکاری بانان ناوەین دوو لایەن بوی.