شەفەق نيوز/ نێچیروان بارزانی سەرۆک هەرێم کوردستان، و ئەیمەن سەفەدی جیگر سەرۆک وەزیرەیل و وەزیر دەیشت ئوردن، ئمڕوو یەکشەممە، دووپات لە گرنگی هەماهەنگی کردن ئەرا مقیەتیکردن ئارامی ناوچەی هەرێمی.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: بارزانی، ئیوارەی ئمڕوو، لە عەممان پایتەخت ئوردن، چەوی کەفتە سەفەدی، و باس شیوەیل گەشەپیدان و فراوانکردن پەیوەندییەیل عراق و هەرێم کوردستان وەرد ئوردنا لە گشت چینەیل کردن، و باس گەشەیل هەرێمی و ناودەوڵەتی کردن، و دووپات لە گرنگی مقیەتیکردن ئارامی لە ناوچەگە کردن.
سەرۆک بارزانی باس رێزی ئەرا پەیوەندییەیل هەرێم کوردستان و عراق وەرۆ ئوردنا کرد، و ئافەرین لە رۆڵ هەرێمی ئوردن و تەقەلایلی لە پاڵپشتیکردن ئاشتی کرد.
لەلای خوەییش، وەزیر دەیشت ئوردن باس خوەشاڵیی وە سەردان بەڕێز سەرۆک هەرێم کوردستان کرد، دووپاتیش لە ئارەزوو ئوردن لە فراوانکردن ئاسووەیل هاوکاری وەرد عراق و هەرێم کوردستان کرد.