شەفەق نیوز/ سەرۆک هەرێم کوردستان نێچیروان بارزانی و بالیۆز بریتانیا لە عراق ستیڤن هیتشن، ئمڕوو چوارشەممە، دووپاتکردن لە گرنگی ئەنجامداین هەڵوژاردنەیل پەرلەمان هەرێم کوردستان و چارەسەرکردن گیچەڵەیل وەرد بەغداد لەری گفتوگو.
وەپای بەیاننامەیگ رەسیە ئاژانس شەفەق نیوز هەردوگلا گفتوگوکردن لەباوەت هەڵوژاردنەیل پرلەمان و بارودۆخ ناوخوەی کوردستان و پەیوەنی هەولێر و بەغداد.
و دووپاتکردن لەبان گرنگی ئەنجامداین هەڵوژاردن و گفتوگوکردن لەبان هەستیاری بارودۆخەگە و پێویستە چارەسەر گیچەڵ و ناکۆکیەیل ناوەین لاینە سیاسیەیل بکرێد ئەرا زاڵبوین وەبان ئاستەنگیەيل.
هاوڕابوین گیچەڵەیل ناوین هەولێر و بەغدا وە گفتوگو چارەسەربکرێد لەبان بنەمای دەستوور و مقياتيكردن ماف گشت لایەنیگ.
هەمیش لە دیدارەگە گفتوگو لە دویا پیشهاتەیل ناوچەگە و باوەەیل ترەک کریا کە جی گرنگیداین هاوبەشن.