شەفەق نیوز/ نێچیروان بارزانی سەرۆک هەرێم کوردستان، ئمڕوو دووشەممە، وەگەرد ئیلبرۆس کۆتراشیف باڵیۆز رووسیا لەلای عراق لە بەغدا، باس دروسکردن حکومەت کوردستان و رەوشە نووەوبویەل لە سوریا کردن.

سەرۆک بارزانی و باڵیۆز رووسیا هەمیش باس پەیوەندییەیل رووسیا وەرد عراق و هەرێم کوردستان کردن، و دووپات لە گرنگی قایمکردن هاوکاری هاوبەش لە جویراجویر چینەیل کردن.

هەردوگ لایەن رای خوەیان لەبان پەیوەندییەیل ناوەین هەولێر و بەغدا، و هەڵوژاردن پەرلەمان کوردستان، و دانوسەنین حزبەیل سیاسی ئەرا دروسکردن حکومەت نوو وەیەک وتن، و هەمیش یەکەم دانیشتن پەرلەمان کە ئمڕوو وەڕیەو چوود.

رەوش ئیسە لە سوریا و کاریگەرییەیل هەرێمیی باوەتیگ ترەک بوی لەناو ئەو دیدارە وە ئامادەبوین قونسوڵ گشتی رووسیا لە هەرێم کوردستان.

لە ٢٧ تشرین دویەم، دەسەی ئازاکردن شام، کە لەبان لیست تیرۆر ئەمریکی دانریاس، وەگەرد بەرەی نیشتمانی ئازادکردن، و سوپای عیزە و بەشیک لە باڵەیل سوپای نیشتیمانی سوری سەروە تورکیا، دەسکردنە ئۆپراسیۆن (شکانن دوژمنایەتی) لە چەن ناوچەیگ لە باکوور خوەرئاوای سوریا.

ئەو هیزەیلە لە بەیاننامەیگ وتن: ئامانج لەی ئۆپراسیۆنڵ دویرخستن رهداێی میلیشیایل ئیران و هیزەیل رژیم سوریا لە ناوچەیل پڕ لە مەردمە، و فراوانکردن ناوچە ئارامەیل ئەرا زەمینەسازی ئەرا گلەوخواردن ئاوارەیل ئەرا میلکان خوەیان.

ئامار کوشیاگەیل لە هیزەیل رژیم سوریا و باڵەیل ئۆپۆزسیۆنە چەکدارەیل رەسیە ٤١٦ کەس، بەشیگیان لە ئەنجام گورزەیل ڕووسیا.