ئەوەیش لە وتاریگ هات کە لە ناو ڕێوڕەسم فەرمی یادکردن “رووژ شەهید عراق”، ساڵیاد تیرۆرکردن ئایەتوڵڵا محمد باقر ئەلحەکیم، کە ڕێوڕەسمەگەی لە بەغدای پایتەخت وەڕیەو چگ.

نێچیروان بارزانی سەرۆک هەرێم کوردستان لە وتارەگەی وتیش: پەلامارەیل لەبان نوێنەرایەتییە دیپلۆماسییەیل و هیزەیل هاوپەیمانان و پیشمەرگە، کار حکومەت شیونێد و ئاستەنگ خەێدە بان ڕێباز و بەرنامەیلی و لە ئەنجامی بڕیگ ئاڵووزی فرەلایەنە لە عراق دروس بوود.

وتیش: "ئی پەلامارەیلە زیان فرەیگ وە ئاسایش و ژیان هاوڵاتیەیل هەرێم کوردستان رەسان، و دڵەڕاوکی و نائارامییگ فراوان وە گشت بازاڕەیل عراق دروسکرد و دەرفەت وە تیرۆریستەیل داعش بەخشی کە پەلامارەیلی خەسەو بکەن".

سەرۆک هەرێم کوردستان لە درویژەی قسەیلی وتیش: هیزەیل هاوپەیمانان لەبان داوای حکومەت عراق ئەرا نواگیریکردن داعش هاتنە، و بایەسە دەرفەت بیریەێدە حکومەت فیدراڵی و سەرۆکوەزیرەیل عراق محمد شیاع سودانی ئەرا دانوسەنین وەردیان وەگورەی پلانیگ هاوبەش و لە بنەمایگ بیوەی و بی گیچەڵ وە ئامانج ڕێککەفتن لەبان بانان هاوکاری ناوەین هیزەیب هاوپەیمانی و عراق.