شەفەق نیوز/ سەرۆک هەرێم کوردستان، نێچیروان بارزانی، ئمڕوو سێشەممە، بەیاننامەیگ بڵاوکرد لەباوەت راگەیاندنیگ وەزارەت ناوخوەی فیدراڵی و وەزارەت ناوخوەی هەرێم کوردستان لەباوەت دەسگیرکردن ئەو کەسەیلە دەسداشتنە لە رویداوەیل ئاگرکە لەهەولێر و کەرکوک هیزگرد.
بارزانی لە بەیانامەیگ رەسیە ئاژانس شەفەق نیوز دووپاتکرد، لێکۆڵینەوە و دەسگیرکردن توومەتبارەیل کاریگ تاک لایەنە نەویە، بەڵکم لەئەنجام هاوکاری هاوبەش ناوەین هەرێم کوردستان و بەغدادە.
ئاشکەرایکرد، ئەنجام لێکۆڵینەوەگان دەرخەێد پەکەکە دەس داشتیە لەی کارە، دیاریکرد هویچ بەڵگەیگ نیە بچەسپنێد یەکێتی نیشتیمانی کوردستان جویر حیزبیگ ئێ کارە کردبوی.
بارزانی هەماهەنگی ناوەین دەسڵاتدارەیل هەرێم کوردستان و حکومەت فیدڕاڵی بەرزنرخان، دووپاتکرد گرنگە وەردەوامبوین هاوکاری هاوبەشئەرا مسۆگەرکردن ئەمن و بیوەیی لە ناوچەگە.
هەمیش داوای توونکردن تەقەلایەیل بەڕەنگاربوین کارەیل ویرانکردن بدرێد کە هەڕەشە وەبان سەلامەتی هاوڵاتیەیل و سەروەت و سامانیان کەێد.