شەفەق نیوز/ نێچیروان بارزانی سەرۆک هەرێم کوردستان، ئمڕوو سێشەممە، دووپات لە گرنگی رێککەفتن ناوەین حزبەیل کورد کرد ئەرا مقیەتیکردن دەسکەفتەیل هەرێم کوردستان، و بانگەواز ئەرا رێککەفتن نوویگ ناوەین پارتی و یەکێتی کرد.
بارزانی لە بەشداریکردنی لە دیدار (میری) کە ئاژانس شەفەق نیوز ئامادەی بوی وت: پەیوەندی پارت دیموکرات کوردستان وەگەرد یەکێتی نیشتمان کوردستان گرنگە، و بایەتە مقیەتیی بکریە، و ناکۆکییەیل ناوەین دوو حزبەگە ئاڵووز نیین، بەڵکم ری چارەسەرکردنیان وە گفتوگۆ هەس.
وتیش؛ وەیەکەو توەنستیمن بڕەسیمنە ئامانجەیل فرەیگ، تەنانەت ئەرا عراقیش هەماهەنگی ناوەین حزبەیل سیاسی لە کوردستان گرنگە، ئیمە رێککەفتن نوویگ وەرد یەکێتی نیشتمانی کوردستان خوازیمن ئەرا وەڕیەوبردن وڵاتەگە، و بایەسە رێککەفتنەگە واقیعانە بوود.