بارزانی لە دانیشتنیگ تایبەت لە دیدار عراق : وەخاتر ئارامی و گەشەکردن، وت: ماوەی ٨ مانگ ئەرا هەڵسەنگاندن حکومەت سودانی کەمە، و هەناێ لەلیم لە کار سودانی پرسن، ئویشم؛ پیاویگ وەزوان شمارە قسە کەێد، و کار ئەرا کیشانن بەرهەمهاوردن کەێد و ریکردن وەرەو ئاوەدانکردن، ویەیش تاریفیگ وە سودانی نییە، وەلێ دوینیمن ک عراق وەرەو قۆناغ نوویگ بەێد.

 وتیش؛ ئەرا یەکەمین جارە هاوپەیمان وەڕیەوبردن دەوڵەتەگە و کاغەز هاوبەش دیریمن، ک گشتی لەبانی واژوو کرد، ک نەخشەی رییگ ئەرا جیوەجیکردن هاناوی، و هەر پڕۆسەیگ  بایەتە جیوەجی بکریەێد نەک تەنیا ئەرا هەرێم کوردستان، باوجی ئەرا گشت عراق، و سودانی تەقەلای جیوەجیکردن ئی بەرنامە دەێد، و یە خوەشهاڵ گشتمان کەێد.

 وتیش: رێککەفتن دویایین وەرد کۆمپانیای توتال فەرەنسی فرە گەشە وە عراق کەێد، و یە زوان نوویگە یەکەم جارە لە سەرۆکیگ حکومەت فیدڕاڵی بژنەفیمن، و خوازم بویشم لە زاخۆ تا فاو، حکومەتەگە خوازێد گەشە وە وڵاتەگە بکەێد، و چوین خزمەتگوزاری ئەرا گشت عراق پیشکەش بکەیمن و ئی زوانە لە ٢٠٠٣ تا ئیسە نەژنەفتیمنە، وەلێ ئیسە هەسەی، و ئیمە لە هەرێم کوردستان و گشت لایەنەیل سیاسی پشتگیری لە حکومەت سودانی کەیمن، و ئومید خوازیمن نەخشەگە جویر خوەی جیوەجی بکەێد.