شەفەق نیوز/ نێچيرڤان بارزانى، سەرۆک هەرێم کوردستان نامه‌يگ له بۆريس جۆنسن، سه‌رۆك وه‌زيرەیل به‌ريتانيا وەپی رەسی لەناوی پابه‌نبۊین وڵاته‌گه‌ى وه سه‌قامگيريى درۊژماوەی عراق و هه‌رێم دووپات کەێد.
جۆنسن باس دۊیا سه‌ردان سەرۆک بارزانی ئەرا له‌نده‌ن جۊر ده‌رفه‌ت گرنگیگ ئەرا تاوتۊكردن هاوكاريى ناوبەین هه‌ردگ لا له قه‌ڵه‌م دەێد.
له جواو نامه‌گەی سه‌رۆک هه‌رێم كوردستان، سه‌رۆک وه‌زيرەیل به‌ريتانيا نۊسێد: “خوەشحاڵ بۊم لە ئەیلوول گوزەشتە لە لەندەن میوانداریم کردن، دۊای ئەوەگ ساڵ ٢٠١٥ سەردان هەولێر کردم.
بەریتانیا هاوبەشیمان فرە بەرز دانەێد و پابەن سەقامگیری و ئاسایش درۊژماوەێ عراق و هەرێم کوردستان عراق مینێد.”
جونسن ئۊشێد، “دیدارەگه‌مان دەرفەت گرنگیگ بۊی ئەرا قۊلکردن پەیوەنیەیل نزیکمان و تاوتۊکردن ئەو هاوکارییە فرە گرنگە ک دژ وە داعش دیریمن، ئەرا ئاڵشتکردن رایەیلمان لەباوەتە ناوچەییەیل.”
له به‌شیگتر نامه‌گه نۊسایە، “وە ژنەفتن خاستربۊین پەیوەندیەیلدان وەگەرد حکوومەت فیدراڵ فرە خوەشحاڵ بۊم، بەریتانیا پشتگیری لە خواستەیل بەڕێزتان ئەرا چاکسازی لە رزەیل پێشمەرگە کەێد.”