شەفەق نیوز/ نێچیروان بارزانی سەرۆک هەرێم کوردستان، ئمڕوو یەکشەممە، باس نیگەرانیی لە تەقەلای کوشتن دۆناڵد ترەمپ سەرۆک وەرین ئەمریکا، و لە خود وەختەگە نەفرەت لە وەکارهاوردن تونەڕەوی لە چارەکردن ململانێ سیاسی کرد.
سەرۆک نێچیروان بارزانی لەبان پلاتفۆرم ئێکس نویسان: هەس وە نیگەرانی کەم لە تەقەلای کوشتن دۆناڵد ترەمپ سەرۆک وەرین.
وتیش: نەفرەت لە وەکارهاوردن تونەڕەوی لە چارەکردن ململانێ سیاسی کەم، و نەبایەس شوینیگ ئەرا تونەڕەوی لەناو سیاسەتەیل ئمڕوو بوود.
سەرۆک هەرێم کوردستان لە کۆتایی پۆستەگەی وت: هویرم هاگەرد سەرۆک ترەمپ و خیزانەگەی و گشت قوربانیە زەرەدمەنەیل لەی پەلامارە.
دویەکە شەممە، دۆناڵد ترەمپ سەرۆک وەرین ئەمریکا، کەفتە وەر تەقەکردن لەناوڕاس بریگ لە لایەنگر و دووسەیلی لە ویلایەت بنسلڤانیا، کە بویە هوکار وەخمداربوینی وەگەرد کوشیان کەسیگ و زەخمداری دوو کەس، و کوشتن تەقەکەرەگە.