شەفەق نيوز/ نێچیروان بارزانی سەرۆک هەرێم کوردستان، ئمڕوو چوارشەممە، مکیس فەرمی لە سەرۆک وەزیرەیل قەتەر وەرگرد، ئەرا بەشداریکردن لە لویتکەی دۆحە.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: نێچیروان بارزانی سەرۆک هەرێم کوردستان، ئیوارەی ئمڕوو، پیشوازی لە حسێن بن عەلی ئەلفەزاع قونسوڵ گشتی دەوڵەت قەتەر کرد.
لە دیدارەگە، قونسوڵ قەتەر، مکیسیگ فەرمی لەلایەن محمد بن عەبدولرەحمان ئال سانی سەرۆک وەزیرەیل دەوڵەت قەتەر دادە دەس بارزانی، ئەرا بەشداریکردن لە کارەیل لویتکەی دۆحە، کە بڕیارە لە مانگ کانوون یەکەم ئایندە وەڕیەو بچوود، وە سەرپەرشتیاریی تەمیم بن حەمەد ئال سانی شازادەی دەوڵەت قەتەر.
سەرۆک هەرێم کوردستان سوپاس و رێزی ئەرا مکیسەگە پیشکەش کرد، و دووپات لە ئامادەیی ئەرا بەشداریکردن لە لویتکەگە کرد، و دووپات کرد لە ئارەزوو هەرێم کوردستان ئەرا گەشەپیدان پەیوەندییەیل و فراوانکردن ئاسووەیل هاوکاری هاوبەش وەرد دەوڵەت قەتەر.
لەلای خوەییش، قونسوڵ گشتی دەوڵەت قەتەر دووپات لە گرنگی پاڵپشتیکردن پەیوەندییەیل وەرد عراق و هەرێم کوردستان کرد، و باس رکداری وڵاتەگەی کرد ئەرا فراوانکردن چینەیل هاوکاری دووانی.
لە دیدارەگە باس دەرفەتەیل بەرهەمهاوردن و کار قەتەر لە عراق و هەرێم کوردستان کریا، وەگەرد نووڕینەیل لەبان رەوشەیل گشتی ناوچەگە.