شەفەق نیوز/ نێچیروان بارزانی سەرۆک هەرێم کوردستان، ئمڕوو شەممە، پیشوازی لە عەبدولەتیف رەشید سەرۆک کۆمار عراق لە فڕۆکەخانەی ناودەوڵەتی هەولێر کرد.
رەشید لە سەردان هەولێر پایتەخت هەرێم کوردستان، چەوی کەفێدە بڕیگ لە وەرپرسەیل حزبی و حکومەتی لە هەولێر، ئەرا باسکردن رەوشەیل سیاسی ناوخوەیی و هەرێمی، بیجگە پەیوەندی ناوەین حکومەت فیدراڵی و حکومەت هەرێم کوردستان.
سەرۆکایەتی کۆمار عراق لە بەیاننامەیگ رەسیە ئاژانس شەفەق نیوز وت: چەوەڕی کریەێد رەشید لە کۆنگرەیگ لەباوەت هشکەساڵی و کاریگەری کەشوهەوا لەبان سیاسەت و ئابووری و دیموگرافیا لە عراق ئامادە بوود.
لە شار هەولێر پایتەخت هەرێم کوردستان، ئمڕوو شەممە، کارەیل کۆنگرەیگ لەباوەت ئاڵشتبوین کەشوهەوا و کاریگەرییەیلی و شیوەیل نواگیریکردنی، لە زانکۆی کوردستان وەڕیەو چگ، و کۆنگرەکە باس کاریگەرییەیل ئاڵشتبوین کەشوهەوا و میکانیزم قایمکردن نواگیریکردن ئی کاریگەرییەیلە وە هەماهەنگی وەرد خاوەن بڕیارەیل لە عراق.