شەفەق نیوز/ نێچیروان بارزانی سەرۆک هەرێم کوردستان، دویای نیمەڕو ئمڕوو چوارشەممە، پیشوازی لە ستیڤن هیتشن باڵیۆز بەریتانیا لەلای عراق کرد.

سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: دیدارەگە باس گەشەپیدان پەیوەندییەیل و چینەیل هاوکاری هاوبەش ناوەین بەریتانیا و عراق و هەرێم کوردستان کرد، و رەوشەیل گشتی لە عراق و رەوشەیل ناوخوەیی و هەڵوژاردن پەرلەمان هەرێم کوردستان و دانوسەنین هەولێر و بەغدا ئەرا چارەسەرکردن باوەتەیل ناوەینیان.

هەردوگ لایەن دووپات لەبان گرنگی جیوەجیکردن هەڵوژاردنیگ سەرکەفتگ ئەرا هەرێم کوردستان کردن، و ئومید سەرکەفتن ئەرا دەنگدان داشتن.

هەمیش رێککەفتن لەبان چارەسەرکردن باوەتەیل لەڕی دانوسەنین و لەیەکفامسنن، و لەی باوەتە نێچیروان بارزانی وت: لەیەکفامسنن هاوبەش ناوەین هەولێر و بەغدا کلیل ئارامیە ئەرا عراق.

هەردوگ لایەن باس باوەتەیل خوەرهەڵات ناوڕاس و رخداری بەرزەوبوین ژاوەژاو کردن، و لەی باوەتە دووپات لەبان گرنگی مقیەتیکردن ئاشتی و ئارامی لە ناوچەگە کردن، و دویرکەفتن لە فراوانبوین زیاتر جەنگەیل و ئەنجامەیلی.