یەیش لە بەیاننامەیگ هاتیە ک وەلایەن سەرۆک هەرێم دەرچگە و رەسیە ئاژانس شەفەق نیوز وەبوونەی یاد سی وپەنج ساڵەی پەلامارداین هەڵەبجە وە چەک کیمیایی.
نێچیرڤان بارزانی وت،" کیماواران کردن هه‌ڵه‌بجه، موهر رسوايى و شه‌رمه‌زارييه وه تیوڵ تاوانكارەیل، له جەهانیش ناسنامه و گه‌واهيى سته‌ملێكریاگی مللەت كوردستانه. له چه‌ن خوله‌كیگ ژيان له پەنج هه‌زار ئایەم بیتاوان و له سروشت و له گشت چشتیگ سەنریا. هه‌زاران ترەک زەخمدار و ده‌روه‌ده‌ر كرد، باوجی نەتوەنست ئيراده‌ى مللەت كوردستان ئەرا ئازادى بشكێنێد.
وتیش:" مللەت كوردستان وه يادكردن ئه‌و مه‌رگه‌ساته، تیارێدە هویر نەوەیل ئمڕوو و گشت جەهان ک چ قوربانییگ وەخاتر ئازادی پەخشیە، هەمیش جەهان و مرۆڤایەتی خەێدە وەردەم ئەرکیگ ئەخلاقی و مرۆیی ک گشت تەقەلایگ بیەن تا هەرگیز تاوانیگ وەیجویرە لە هویچ شوینیگ دوارەو نەود".
لەی یادکردنەوە سەرۆک هەرێم کوردستان، وت: سوپاس حکومەت فیدراڵی عراق و گشت لایەنە پەیوەندیدارەیل عراق و هەرێم کەم ئەرا تەواوکردن رێکارەیل وە پارێزگکردن هەڵەبجە، دووپاتکرد هەڵەبجە و هەڵبجەیەیل پێویست وە خزمەتگوزاری فرەترە وەگەرد قەرەبوی کردنیان وەپای بڕیار دادگایەیل و یاسا.
لەکۆتایی نێچیرڤان بارزانی راگەیان " ئومێد وە ئایندەیگ خاستر دیریمن ئەرا نەوەیل ئایندە، لە کار و تەقەلایەیلمان وەردەوامین وەخاتر یەکڕزی وتەبایی و وەگەردیەکبوین ک پارێزەر دەسکەفت و مافەیل دەستوریەیل و قەوارەی فیدراڵی هەرێم کوردستانە".