شەفەق نیوز/ سەرۆک هەرێم کوردستان، نێچیروان بارزانی، ئمڕوو شەممە، سەردان تەهران پایتەخت ئیران کەێد ئەرا ئامادەبوین لە "دیداریگ سڵاکاری" کە وەزارەت دەرەوەی ئیران رێکیخەێد.
سەرۆکایەتی هەرێم لە بەیاننامەیگ رەسیە ئاژانس شەفەق نیوز وت "سەرۆک نێچیروان بارزانی لەدویای تەواوبوین سەردانەگەی ئەرا بەغدای پایتەخت عراق رویکەێدە تەهران پایتەخت ئیران".
وتیش" سەردانەگەی سەرۆک بارزانی ئەرا تەهران وە مەکیسکردنیگ فەرمییە ئەرا بەشداریکردن لە دیداریگ سڵاکاری کە وەزارەت دەرەوەی کۆمار ئیسلامی ئیران رێکیخستیە، بڕیارە سوو یەکشەممە، وەڕێوەبچوود".
وتیش؛ بەشداریکردن سەرۆک بارزانی لەی ديداره، دووپاتکردن پشتگیريی هەرێم کوردستانه ئەرا تەقەلای گفتوگوو و قایمکردن هاوکاريی بنیاتنەر ناوەین وڵاتەیل و گەلان ناوچهگه، لهپێناو ئارامى و سەقامگیری، يهكترتەواوكردن ئابووری و وەردیەک ژیان ئاشتیانهدا.
دیاریکرد "وەپای خشتەی كارنامهى ديدارهگه، سەرۆک نێچیروان رووشنایی خەێدە بان دیدگای هەرێم کوردستان ئەرا ئایندەی ناوچەگە دووپاتکەێد لە هاوبەشی لابان بنەمای رێزلهيهكگردن و بەرژەوەنی هاوبەشەیل" وتیش "ههر له ميانەی سهردانهگەی، بارزانى وەگەرد سهركرده و وهرپرسەیل باڵاى كۆمار ئيسلاميى ئیران گردەو بوود و پهیوهندییەیل ئیران وەرد عراق و ههرێم کوردستان و دۆخ ناوچهگه وهگشتی، تاوتوی کهن".