شەفەق نیوز/ نێچیروان بارزانی سەرۆک هەرێم کوردستان، ئمڕوو جمعە، سەرەخوەشی لە کەسوکارەیل و برادەرەیل خانمە پڕۆفیسۆر فەرەنسی جۆیس بلاو کرد.

بارزانی لە پرسەنامەیگ لەبان هەشمار خوەی لە پلاتفۆرم ئێکس کە ئاژانس شەفەق نیوز نووڕیەی وت: سەرەخوەشی لە بنەماڵە و برادەر خانمە پڕۆفیسۆر جۆیس بلاو کەم، برادەر کورد و نویسەر و پسپۆڕ لە زوان و ئەدەب کوردی، هەمیش لە هاوڕیەیلی لە پەیمانگەی کوردی لە پاریس هاوخەمیانم.

وتیش: بڵاو خان فرەی ژیانی لە پشتگیریکردن کورد وەسەر برد، و خزمەت زوان و ئەدەب و کەلتووری، و هەمیشە لە هویر ئیمە مینێد.