شەفەق نیوز ـ هەولێر

سەرۆک هەرێم کوردستان نێچیروان بارزانی، ئمڕوو سێشەممە، سەرخوەشی خوەی پیشکەش جیگر سەرۆک دەوڵەت ئیمارات و سەرۆک ئەنجومەن وەزیرەیل و حاکم دوبەی، شێخ محەمەد بن راشد ئال مەکتوم، کرد وە بوونەی کووچ دویایی ئەحمەد بن راشد ئال مەکتوم.

بارزانی لە پرسەنامەگە وت: "گەررمترین سەرەخوەشی و هاوخەمی ئاڕاستەی براگەم  شێخ محەمەد بن راشد ئال مەکتوم، جێگر سەرۆک دەوڵەت ئیمارات عەرەبی یەکگرتگ، سەرۆک ئەنجومەن وەزیرەسل، حاکم دوبەی، و بنەماڵەی کۆچکردگ و گشت ئال مەکتوم رێزدار، و سەرکردایەتی و گەل دەوڵەت ئیمارات عەرەبی یەکگرتگ برا کەم".

شێخ ئەحمەد بن راشد ئال مەکتوم، برای شێخ محەمەد بن راشد ئال مەکتوم، شەوەکی دویەکە دووشەممە لە تەمەن 76 ساڵی کووچ دوایی کرد، لە هەمان وەخت دیوان حاکم دوبەی ماتەمین فەرمی و داوەزانن ئاڵایەیل لە ئیمارەت ئەرا ماوەی 10 رووژ راگەیان.