شەفەق نیوز/ نێچیروان بارزانی سەرۆک هەرێم کوردستان، ئمڕوو جمعە، دووپات کرد لە گرنگی گەشەپیدان زوان کوردی و زوانەیل ئەو پیکاتەیل ترەک، و زوان وە بویین قسەکەرەیلی زانست.

 بارزانی لە پۆستیگ لەبان پلاتفۆرم ئێکس کە ئاژانس شەفەق نیوز نووڕیەی وت: زوانمان بویین ئیمەس. لە رووژ جەهانی زوان داڵگی، دووپات لە گرنگی گەشەپیدان زوان کوردی و زوانەیل گشت پیکاتەیل کوردستان کەم.

 وتیش: زوان بەشیگ سەرەکیە لە ناسنامەی نیشتمانیی و کەلتووریمان، و بایەسە وە گشت شیوەیگ مقیەتیی بکەیمن، وەگەرد ئەوە کە گرنگی خوازیاگ پیشکەشی بکەیمن ئەرا مسۆگەرکردن گەشەکردن و ئەوزەڵکردنی.

 جەهان لە 21 شوبات گشت ساڵیگ ئاهەنگ وە رووژ جەهانی زوان داڵگی کەێد، لە رسوومیگ ساڵانە کە نەتەوە یەکگرتگەیل رکدار بوی لە ساڵ 2000ەو تا ئیسە بسازێدەی.