شەفەق نيوز / نێچیروان بارزانی سەرۆک هەرێم کوردستان، ئمڕوو یەکشەممە، دووپات کرد کە هەرێم کوردستان هەڕەشە لەبان دەوڵەتەیل هاوسا دروس نیەکەێد، یەکەمیان ئیران، دووپات کرد کە کوردستان خاوەندارێتی میکانیزمیگ ئاشکرا کرد وە هەماهەنگی وەرد حکومەت فیدراڵی لە بەغداد تا نەیلێد زەویەیلی ئەرا هەڕەشەدان دەوڵەتە هاوسایەیل وەکار باریەێد.
بارزانی لە بەشداریکردنی لە دانیشتنیگ تایبەت لەناو کارەیل کۆڕبەند دیالۆگ تەهران وت: هەرێم کوردستان و عراق لە قۆناغیگ گرنگ وەپشتسەرنان لەلایەن ئەمنی، وتیش: دووارەی ئەوە کەم کە چەنای چەنیگ وتمە کە هەرێم کوردستان هویچ رخدارییگ لەبان ئیران یا دەوڵەتەیلیگ ترەک لە دەوڵەتەیل هاوسا دروس نیەکەێد.
بارزانی وتیش: پرس کورد نەبایەس وە خوینڕشانن چارەسەر بکریەێد، و داوای ریڕەوی گفتوگۆ و میکانیزمەیل ئاشتەوایی کرد ئەرا چارەکردن گیچەڵەیل گیرهاتگی.
دووپاتیش کرد کە هەرێم کوردستان دەسوەردان لە کاروبار هویچ دەوڵەتیگ نیەکەێد، و ئامادەیشە ئەرا پیشکەشکردن دەسمیەتی ئەرا تورکیا لە پرس پارت کرێکاران کوردستان.
دیاری کرد کە ئیمە ئامادەیمن ئەرا جیوەجیکردن هەر رۆڵیگ ئەرێنی لە سووکەوکردن کرژی و چارەسەری ناکۆکیەیل ناوەین تورکیا و پەکەکە، وەشیوەیگ خزمەت ئارامی ناوچەگە و بەرژەوەنی گەلەیلی بەێد.