سەرۆکایەتی کۆمار کوردستان ڕمڕوو یەکشەممە لە بەیاننامەیگ وت: ئمڕوو یەکشەممە، عەبدولەتیف جەمال ڕەشید، سەرۆک کۆمار  عراق لە کۆشک ئاشتی لە بەغدا وەگەرد نێچیروان بارزانی، سەرۆک هەرێم کوردستان گردەو بوی.

وەگورەی بەیاننامەگە، لە دیدارەگە باس رەوشەیل گشتی وڵات و پیشهاتەیلی کریا، وەتایبەتی پەیوەندی ناوەین حکومەت فیدراڵی و حکومەت هەرێم کوردستان، کە لەناوی سەرۆک کۆمار گرنگیی ئەو چارەسەرە گونجیاگە نشان دا کە ئەرای مووچەی فەرمانبەرەیل هەرێم کوردستان رەسینە.

سەرۆک کۆمار دووپات لەبان گرنگی بەرهەمکردن لەو دەسکەغتە گرنگە کە وەدەس هاتیە ئەرا درویژەدان وە دانوسەنین کاریگەر لە ناوەین حکومەت فیدراڵی و حکومەت هەرێم ئەرا چارەسەرکردن گیچەڵە گیرهاتگەیل وەگورەی دەستوور و یاسا، و پابەندبوین وە مەرجەیل ئەو ڕێککەفتن سیاسییە کە لە بنەماگەی حکومەت دروس کریا، تا بڕەسنە لەیەکفامستن دڵخوەشکەر کە مافەیل گشت هاوڵاتیەیل وە هاوڵاتیەیل هەرێمەو مسۆگەر بکەێد وە تا لە هەر دەرئەنجاميگ ترەک کە بارگرانی لەبانیان نەوود، و دەسخوەشی لە سەبر و دانایی هاووڵاتیەیل کورد و وەرگردن ئەو رەوشە سەخت و ئاڵۆزەیلە کرد کە ڕاستەوخۆ کاریگەری لەبان ژیانیان داشت.

هەرلیوا سەرۆک کۆمار دووپات لە گرنگی تەواوکردن ئامادەکارییەیل ئەرا ئەنجامدان هەڵوژاردن هەرێم کوردستان کرد، وە بەشداریی گشت لایەنە سیاسییەیل هەرێم، ئەرا مسۆگەرکردن دەسپاکی و ئاشکرایی، وەشیوەیگ کە خواستەیل هاووڵاتیەیل کوردستان ئەرا وەجیهاوردن ماف دیموکراسی خوەیان ئەرا هەڵوژاردن نوێنەرەیلیان دروس بکەێد، وە بەرز نرخانن ڕۆڵ سەرۆک هەرێم نێچیروان بارزانی لە پەیاکردن چارەسەر ئەرا گیچەڵەیل و پتەوکردن پەیوەندی ناوەین حکومەت فیدراڵی و حکومەت هەرێم.