شەفەق نیوز/ نێچیروان بارزانی سەرۆک هەرێم کوردستان، ئمڕوو پەنجشەممە، وە سەردانیگ فەرمی، رەسیە دەوڵەت ئیمارات.
دویای نیمەڕو ئمڕوو، نێچیروان بارزانی، ئەرا جیوەجیکردن مکیسیگ فەرمی وەلایەن شێخ محمد بن زاید ئال نهەیان سەرۆک دەوڵەت ئیمارات رەسیە ئەبو زەبی.
سەرۆکایەتی هەرێم کوردستان، لە بەیاننامەیگ رەسیە ئاژانس شەفەق نیوز وت: لە گردەوبیونیگ ناوبەین سەرۆک هەرێم کوردستان و سەرۆک دەوڵەت ئیمارات، هەردوگ لایەنەگە باس پەیوەندیەیل عراق و هەرێم کوردستان وەگەرد دەوڵەت ئیمارات کردن، و چینەیل هاوکاری هاوبەش، و دویاترین نووەوبویەیل رەوشەیل ناوچەگە، وەگەرد باوەتەیلیگ ک لەلای هەردوگلا گرنگە.
لە کۆتایی شوبات گوزەشتە، سەرۆک نێچیروان بارزانی مکیسیگ فەرمی وەلایەن شێخ محمد بن زاید ئال نهەیان سەرۆک دەوڵەت ئیمارات رەسیە دەسی.