شەفەق نیوز/ سەرۆک هەرێم کوردستان، نێچیروان بارزانی، ئمڕوو شەممە، دووپاتکرد لە پاڵپشتی تەواو هەرێم ئەرا پڕۆژەی ری ئەوزەڵداین ژیان لە عراق نووەوکرد، پرۆژەگە وە گامیگ دروس وەسفکرد ئەرا ئەرا ئایندەیگ رووشنتر وڵاتەگە.
یەیش لە وتاریگ هات لەمیانەی ئامادەبوینی لە چالاکیەیل خول هەفتەم کۆنفرانس دیالۆگ کردن وە دروشم "پەیوەنی بۆ ئەوزەڵداین و سەقامگیری هەرێم" سازکرێد، و میوانداری شمارەیگ فرە لە توێژەر و کەسایەتییە ئارەزومەندەیل عراق و جەهان کەێد.
سەرۆک نێچیروان بارزانی لە وتاریگ وت "ئیمە لە هەرێم کوردستان هەمیشە باوەڕمان لێوابوی سەقامگیری سیاسی و ئابووری ئەرا گشت عراق بەرژەوەندییگ هاوبەش نیشتمانییە، هەمیش ئەوزەڵداین راسی وەبی یەکگردن ناوەین بەغدا و هەولێر، و لەناوەین عراق و وڵاتەیل ترەک دوروبەر ناوچەگە و جەهان دروس نیەود".
وتیش؛ "لەی روانگەو پاڵپشتی تەواو خوەمان ئەرا ئێ پڕۆژە گەپە ری ئەوزەڵداین دووپاتکەیمن، چەوڕێ کەیمن بوودە مۆدیلیگ ئەرا دەسمیەتی و بونیاتنان ناوەین گشت ناوچە و پێکهاتەیل وڵات، لە زاخۆوە تا فاو، هەمیش لە ناوەین عراق و هاوبەشە ناوچەیی و ناودەوڵەتیەیل".
سەرۆک هەرێم دیاریکرد "عراق هەڵکەفتەی جوگرافی ستراتیژیەگەی و سامان سەرچەوەیل سروشتی و مرۆیەگانی دەرفەتیگ گەپ دیرێد کە شایستەی کەێد تا بوودە ناوەندیگ گورج و گەپ ئابوری لەناوچەگە، هەمیش بوودە پێیەڵ گرنگیگ کەنداو وە ئەوروپا و خوەرهەڵات وە خوەرئاوا بوەسێد".
وتیش"سەرکەفتن لەی کارە هەوەجە وە هەبوین چەن بناغەیگ سەرەکی کەێد، جویر بوین چوارچمگ یاسایی و ئابوری تۆکمە کە هەمیشە گاڵ وەبەرهێنان ناوخوەیی و دەرەکی بدەێد ئەرا وەردەوامبوین، هەمیش کەشیگ گاڵدەر و سەرنجراکیش ئەرا وەبەرهێنان دابین بکەێد، هەبوین دیالۆگ سیاسی وەرپرسانەلەناوڵین سیاسیەیل و پێکهاتەیل عراق، لەبان بنەمای هاوبەش راسکانی و لەیەکفامسن و رێککەفتن ئەرا چارەسەرکردن گیچەڵەیل وڵات وە روحیگ نیشتیمانی و دیدگایەیل و وە هێزکردن دامەزراوە دەستووریەیل و چەسپانن سیستەم فیدڕاڵی وە تەواوی".
نێچیروان بارزانی دووپاتکرد ە گرنگی "هەبوین ستراتیژیگ ئەمنی تۆکمە ئەرا دەستەوەرکردن سەقامگیری هەمیشەیی کە متمانە و دڵنایی وە وەبەرهێنەرەیل وەخشێد، بتوەنێد پرۆژەی گەپیگ لە مژارەیل جیاواز ژیرخان گشت کەرتەیل جیوەجی بکەن".
وتیش "جیاوازی کۆمەڵگای عراقی هاز و سامانیگە، هیلێد عراق توەنێد ئێ پرۆژە بکەێدە دەرفەتیگ ئەرا رەدکردن گشت جیاوازیەیل نەتەوەیی و ئاینی و تائفی ، تەنانەت بکەێدێ هاز گەپیگ ئەرا گشت عراق، بەرزەوکردن پێگەی ئابووری و سیاسی و ستراتیژی وڵات، هەمیش گامیگ دروستە وەرەو بونیاتنان ئایندەیگ گەش ئەرا گشت عراقیەیل".
راگەیاندیش، "پشتیوانیمان لە هەرێم کوردستانەو ئەرا ئێ پرۆژە تەنیا لە رانگەی ئابوری نییە، بەڵکم لە روانگەی ستراتیژییەوەیە، چوینکە لە روانگەی ئیمە گامیگە ئەرا قایمکردن چەمک عراق جویر دەوڵەتیگ کاریگەر لە ئاسایش و سەقامگیری ناوخوەیی و هەرێمایەتی، هەمیش هازیگ ئابوری کاریگەر لە خوەرهەڵات ناوەڕاست، لە ئایندەش توەنێد بوودە هاز ئابووری جیهانی".
وتیش "لە وەرین عراق چاشیایمن ئەوزەڵکردن و پیشکەفتن وەدی نیەتێد تا ژینگەیگ سەقامگیر نەود، و سەقامگیری عراق نیەتوەنرێد لە سەقامگیری ناوچەگە جیاوەبکرێد
وەی مدووە بایەت مامەڵە و دیدگای ئیمە ئەرا ئاڵشتکاریەیل جیۆسیاسیەگان لەبان بنەمای هاوسەنگی و میانڕەوی و هاوکاری و بەرژەوەنی هاوبەش بوود"، جەختیشیکرد "گرنگی وەردەوامیدان وەو رێبازە دیپلۆماسییە کاریگەرەی کە حکومەت عراق پەیڕەوی کەێد ئەرا وەهێزکردن پەیوەندییەگانی".
نێچیروان بارزانی لە وتارەگەی دەسخوەشی لە سەرۆک ئەنجومەن وەزیرەیل سوودانی کرد ئەرا "تەقەلا و گامەیلی لەی روانگە دانایەسێ" وتیش سوودانی "چەسپانیە عراق توەنێد بوودە پێیەڵیگ ئەرا گفتوگو نەک گۆڕەپان مەرافەیل، راس ئاڵنکاریەیلیگ هەس، باوجی لەهەمان وەەخت، عراق وە سەروەتەیل مرۆیی و سروشتیەگانی پڕ دەرفەتە".
سەرۆک هەرێم هووشداریدا "سەرکەفتن ئیمە پشت وە هازمان بەسێد لە ئیدارەیل جوراوجور و جیاوازی ناوخوەیی، و ئەوزەڵداین وە گیان هاوبەشی، دانان بناغەی حوکمڕانی خاسیگ ئەرا سەقامگیری سیاسی و ئابووری و هاوبەشیەیل ستراتیجی، ئێ گامە ئەرا ئێ ئاڕاستە فرە گرنگە".
لە نیسان ٢٠٢٤ عراق، تورکیا، ئیمارات و قەتەر رێککەفتن چوارقۆڵی کردن لەبان پرۆژەی ری ئەوزەڵداین عراق، یا ری گەشەپیدان واژۆ کردن.