شەفەق نیوز/ نێچیروان بارزانی سەرۆک هەرێم کوردستان، ئمڕوو شەممە، پشتگیریکردن وەردەوام ئەمریکا ئەرا عراق و هەرێم کوردستان نرخدار کرد، و دووپات لە گرنگی وەردەوامی پاڵپشتیکردن ئەمریکا ئەرا وەجیهاوردن ئی ئارامیە لە ناوچەگە کرد.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: سەرۆک نێچیروان بارزانی، ئمڕوو شەممە، لە میونشن، چەوی کەفتە خانمە سیناتۆر ئەمریکی ئیليسا سلوتكين، ئەندام دەسەی هیزەیل چەکدار لە ئەنجومەن پیرەیل ئەمریکی.
دیاری کرد کە لە دیدارەگە باس پەیوەندییەیل ناوەین عراق و هەرێم کوردستان وەرد ئەمریکا کریا، و شیوەیل قایمکردن هاوکاری لە چینەیل ئاسایش و وەرگری، وەگەرد سەختیەیل دژایەتی تیرۆر، و تەقەلایل ناودەوڵەتی وەردەوام ئەرا نواگیریکردن هەڕەشەیل ریخریاگ داعش.
سەرۆک بارزانی رێز خوەی ئەرا پشتگیریکردن وەردەوام ئەمریکا ئەرا عراق و هەرێم کوردستان وت، وەتایبەت لە چین ڕاهێنان هیزەیل پیشمەرگە و تەقەلایلی ا چوارچیوەی هاوکاری ناودەوڵەتی، و دووپاتیش لەبان گرنگی وەردەوامی ئی پاڵپشتیە کرد ئەرا وەجیهاوردن ئارامی لە ناوچەگە.
لەلای خوەییش خانمە سیناتۆر ئیلیسا سلوتكين دووپات لە پابەندبوین ئەمریکا حبک وە وەردەوامی لە پاڵپشتیکردن هەرێم کوردستان، و باس گرنگی هەماهەنگی ئەمنی هاوبەش کرد ئەرا مسۆگەرکردن ئارامی عراق و ناوچەگە.
هەردوگ لایەن باس رەوشەیل سیاسی و ئەمنی لە عراق و سوریا کردن، وەگەرد چەن باوەتیگ گرنگ.