شەفەق نيوز/ نێچیروان بارزانی سەرۆک هەرێم کوردستان، ئمڕوو چوارشەممە، وەگەرد ئادریان ڕاستیان قونسوڵ گشتی شانشین هۆڵەندا لە هەولێر، باس پەیوەندییەیل ناوەین هۆڵەندا و هەرێم کوردستان کرد، وەگەرد دویاترین نووەوبویەیل لە ناوچەی خوەرھەڵات ناوڕاس.

سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: هەردوگ لایەن لەو دیدارە دووپات لە گرنگی پاڵپشتیکردن پەیوەندییەیل و فراوانکردن چینەیل هاوکاری هاوبەش کردن.

وتیش: سەرۆک نێچیروان بارزانی و قونسوڵ هۆڵەندا را و نووڕینەیل خوەیان لەباوەت رەوشەیل هەرێمی وتن، و دووپات لە گرنگی مقیەتیکردن ئارامی و ئاشتی کردن، و پشتبەسین وە گفتوگوکردن و دیپلۆماسی ئەرا چارەسەرکردن ناکۆکیەیل.

وەگورەی بەیاننامەگە، لەو دیدارە باس بڕیگ باوەت گرنگ لەلای هەردوگ لایەن کریا.