شەفەق نيوز/ نێچیروان بارزانی سەرۆک هەرێم کوردستان، ئمڕوو سێشەممە، چەوی کەفتە تۆماس سیلیر سەرۆک کلکردەی یەکێتی ئەوروپا لە عراق وەگەرد شاند یاوەری.

سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لە دیدارەگە باس پەیوەندییەیل ناوەین یەکێتی ئەوروپا و هەرێم کوردستان و شیوەیل پاڵپشتیکردن هاوکاری و هەماهەنگی هاوبەش کریا، و هویروڕایان لە باوەت رەوشەیل سیاسی لە عراق و ناوچەگە ئاشکرا کردن.

سەرۆک نێچیروان بارزانی دووپات لە گرنگی رۆڵ یەکێتی ئەوروپا لە پشتگیریکردن ئارامی و پاڵپشتیکردن پەیوەندییەیل وەرد عراق و هەرێم کوردستان، وەتایبەت لە چین گەشەپیدان و ماف مرۆڤ و هاوکاری ئابووری و کەلتووری.

 لەلای خوەییش، باڵیۆز تۆماس سیلیر دووپات پابەندبوین یەکێتی ئەوروپا وە وەردەوامی پشتگیریکردن عراق و هەرێم کوردستان کرد، و سوپاس رێزگردنی ئەرا رۆڵ هەرێم کوردستان لە پتەوکردن ئارامی و وەیەکەوژیان، و ئارەزوو یەکێتی ئەوروپا نشان دا ئەرا فراوانکردن چینەیل هاوکاری وەرد هەرێم کوردستان.

رەوشەیل لە سوریا و ناوچەگە وەگشتی باسەیل ناو ئەو دیدارە بوین.