لە گردەوبوینەگە شاندەگە وەگورەی بەیاننامەی سەرۆکایەتی هەرێم کوردستان، شاندەگە وت: ئامانج لە سەردانەگەی ئەرا دەسمیەتیداین عراق و هەرێم کوردستانە ئەرا هەمەرەنگکردن سەرچەوەیل داهات و پشتنەوەسان وە نەفت تەنیا، و لەی باوەتە نێچیروان بارزانی سەرۆک هەرێم کوردستان دووپات کرد ک دویارووژ عراق و هەرێم کوردستان وە هەمەڕەنگی ئابووری و سەرچەوەیل داهات گریە بەساگە.
هەردوگ لایەنەگە رای خوەیان لەباوەت ئاڵشتبوین کەشوهەوا باس کردن، و رێک کەفتن لەبان ئەوە ک یە قەیرانیگ راسیە کاریگەری گەورەیگ لەبان عراق دیرێد، و بایەتە عراق وە شیوەیگ جدی وە پاڵپشتیکردن ناودەوڵەتی نوای ئی قەیرانە بگرێد.
شاندەگە دووپات کرد ک ئەوەسا دەسمیەتی عراق و هەرێم کوردستان دەن ئەرا نواگیری کاریگەری ئاڵشتبوین کەشوهەوا وەگەرد هەمەڕەنگکردن سەرچەوەیل داهات.
شاندەگە باس گردەوبوینیان وەگەرد دەسەی بەرهەمهاوردن لە هەرێم کوردستان کرد، ک لەناوی ئامادەیی نەتەوە یەکگرتگەیل ئەرا پاڵپشتیکردن هەرێم و نشان دا، لە پلانسازی و داناین نەخشەی رییگ ئەرا هاوردنی بەرهەمهاوردن بیگانە و پەیاکردن دەرفەت کار ئەرا گەنجەیل.
لەلای خوەییش؛ بارزانی پیشوازی لە پلانەیل دردری و UNPD کرد، و ئومید سەرکەفتن لە ئەرکەیلی ئەرای خوازێد، و نرخدار رەنجەیلی ئەرا دەسمیەتیداین عراق و هەرێم کوردستان کرد.