سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: بارزانی لە پەرلین پایتەخت ئەڵمانیا چەوی کەفتە توبیاس لیندنز وەویرەوڵەت ئەڵمانی ئەرا کاروبار دەیشت، و لە دیدارەگە خوەشهاڵیی وە ئاست پەیوەندی ئەڵمانیا وەگەرد عراق و هەرێم کوردستان نشان دا، و باس ئەنجامە خاسەیل سەردان محمد شیاع سودانی سەرۆک وەزیرەیل ئەرا پەرلین کرد.
بارزانی داوا لە ئەڵمانیا کرد وەردەوام بوود لە پاڵپشتیکردن عراق و هەرێم کوردستان ئەرا مقیەتیکردن ئاسایش و ئارامی و نواگیری مەترسییەیل داعش.
لەلای خوەییش، لیندنز دووپات لە ئامادەیی ئەڵمانیا ئەرا پاڵپشتیکردن عراق و هەرێم کوردستان کرد لە هەر مەوقەیگ و لە هەر چینیگ، هەمیش زوور لە وەردەوامی ئەرکەیل هیزەیل ئەڵمانیا لەناو هاوپەیمان ناودەوڵەتی ئەرا جەنگ داعش کرد.
هەمیش، رەوش ناوخوەیی هەرێم کوردستان و هەڵوژاردن و دویاترین نووەوبویەیل لە ناوچەگە وەگشتی باوەتەیل ناو ئەو دیدارە بوین ک باڵیۆز ئەڵمانیا لەلای عراق ئامادەی بوی.