سەرۆک نێچیروان بارزانی لە بەیاننامەگە وت: پیرووزی سی و دویەمین ساڵیاد راپەرین ئادار ١٩٩١ پیرووز لە خانەوادە سەربەرزەیل لە شەهیدەیل راپەڕین و گشت شەهەیدەیل کوردستان و پیشمەرگەی قارەمان و گشت گەل کوردستان وە گشت پیکاتەیلی کەم، وە ڕێز و نەوازش ساڵیاد شەهیدەیل پیرووز کەیمن، و نماز ئەرا گیان پاکیان خوەنیمن.
وتیش: راپەڕینەگە هەڵسیانیگ میژووی و یەکلاوەکەر وەلایەن گشت جەماوەر گەل کوردستان بوی وە گشت چین و پیکاتەیلی، ک راپەڕین دژوە ستەم و کوشتن و بڕین کردن، و پیشمەرگە و خەڵک کوردستان گیان خوەیان نانە ناو قەپاڵ و کەفتنە نوای مەرگ وەخاتر ژیان و بانانیگ خاستر ئەرا گەل کوردستان.
سەرۆک هەرێم کوردستان وتیش؛ یەکڕزی و یەکگردن ناوک سەرکەفتن لەو راپەرینە بوی ک گشت دەسکەفتەیل گەل کوردستان لە ئازادی و پەرلەمان و حکومەت فیدڕاڵی و چسپیان مافەیل لە دەستوور عراق فیدڕاڵ وەدەس هاورد.
هەمیش وت: ئیرنگە، بایەتە گەل کوردستان وەگشت پیکاتەیلی و هیزەیلی و لایەنەیل سیاسیی وانەیل لە یەکڕزی و یەکگردن و ئەوەکە قبوڵکردن و کار هاوبەشانە بگرن، جویر بنەمایگ ئەرا رەسین وە سەرکەفتن و بانانیگ خاستر ئەرا گەلمان.
نێچیروان بارزانی دووپات کرد ک گشت رەنج و توانامان ئەوەسا خریەێدە خزمەت ئەوە ک گشتمان وەیەکەو کار ئەرا وەدەسهاوردن ئامانجە پیرووزەیل راپەڕین، و وەدەسهاوردن ئەو ئارەزووەیلە ک شەهیدیل گیانی خوەیان ئەرایان پیشکەش کردن. ک وەو جویرەگ وەیەکەو لە راپەڕین سەرکەفتیمن، و گەل کوردستان وەگشت رەنگ و پیکاتەیلی وەیەکەو سەرکەفت، ئیسەیش سەرکەفتن و مسۆگەرکردن دویارووژیگ خاستر ئەرا گەل، تەنیا وە یەکڕزی و یەکگردن و کار وەیەکەو و ئەوەکە قبوڵکردن کریەێد.