شەفەق نيوز/ نێچیروان بارزانی سەرۆک هەرێم کوردستان، ئمڕوو جمعە، داوا لە حکومەت فیدراڵی کرد لە گشت لاییگەو قەرەبوو کوردەیل فەیلی بکەێد، و مووسا لە گلەوداین ڕەگەزنامەی عراقییان کرد کە لەلییان زەفت کریا، و قەرەبوو پویل و داراییان کە وەلایەن رژیم بەعس زەفتیان کرد.
بارزانی لە بەیاننامەیگ رەسیە ئاژانس شەفەق نیوز وت: ئمڕوو یاد ئەو چل و پەنجەمین ساڵیاد زیاندارە ئەرا جینۆسایدکردن هەزاران کورد فەیلی کەیمن، لە هەڵمەتیگ وەحشیانە وەلایەن رژیم عراق ئەو وەختە، کە وە کوشتن و بڕین و دەسگیرکردن و بارکردن و سەرنقومکردن و زەفتکردن ڕەگەزنامە و پویل و دارایییان کریانە ئامانج، نەک لەوەر چشتیگ، مەگەر تەنیا چوینکە کورد بوین و پشتگیری شووڕش کوردستان کردن.
وتیش؛ لەی ساڵیادە، دووپات لە داواکردنمان کەیمن لە حکومەت عراق قەرەبوو کوردەیل فەیلی لە گشت لاییگەو بکەێد، وەگورەی بڕیار دادگای باڵای تاوانەیل عراقی، کە ئەو تاوانە وە جینۆساید دادە قەڵەم، و ڕەگەزنامە و پویل و دارایییان گلەو بەێد، و ئەو گیچەڵەیلە چارەسەر بکەێد کە زیان لەلییان دوینن. و ئیمە دووپات ئەرا خوەشک و برایەیل فەیلی کەیمن کەیمن کە هەر وەردەوام بویمن لە تەقەلایل هەمیشەیی ئەرا گلەوداین مافەیلیان، و جیوەجیکردن دادپەروەرییان و کەموکوڵی لە هەر کاریگ لەی باوەت نیەکەیمن.
بارزانی دووپاتیش کرد کە جینۆساید کوردەیل فەیلی، و گشت تەقەلایل ئەرا سەرنقومکردن و ئەو تاوانەیلە کە وەبان گەل کوردستان جیوەجی کریان، میژوویگ سیا بوی لە گوزەشتەی تاڵیگ نە تەنیا نەهامەتی و نا ئارامی ئەرا وڵات هاورد، و بایەسە ئەو گوزەشتە بوودە واتە و وانە ئەرا وەدەسهاوردن بانانیگ خاستر لە بنەمای لەیەکفامسنن و هاوبەشی و ئەوەکە قبووڵکردن و مقیەتیکردن ماف گشت پیکاتەیل لە عراق.
لە کۆتایی وت: سڵاو و ڕێز ئەرا ساڵیاد شەهیدەیل کورد فەیلی و گشت شەهیدەیل.