نێچیروان بارزانی لە وتارەگەی لەناو هەفتەمین دیدار ناودەوڵەتی سلێمانی وت: هەرێم کوردستان پشتگیری لە گشت گامەیل حکومەت سودانی کەێد، و ئومید جیوەجیکردن بەرنامەی حکومەتی دیرێد، ک هەرێم کوردستان ئەوەسا بوودە یەکەمین پاڵپشتیکەر لەلی.
وتیش: ئیمە نووڕیمن ک گامەیل سودانی گامەیل خاسیگە، و گرنگی وە گشت ناوچەیل عراق داگە، و وەبەرزی نرخدار بڕیاردان بوودجەی فیدڕاڵی وەلایەن حکومەتەگەی کەیمن، و ئومید دیریمن وە خود هەسەگە بڕیار یاسای نەفت گاز بڕەسێدە ئەنجام.
سەرۆک هەرێم کوردستان وتیش: وەناو خوەم و وەناو خەڵک هەڵەبجە وە بەرزی نرخدار تەقەلایل برای ئازیز سەرۆک حکومەت عراق کەیمن لەباوەت بڕیاردان ئاڵشتکردن هەڵەبجە ئەرا پارێزگایگ، دویای ٢٠ ساڵ، و داوای تەرخانکردن بوودجەیگ ئەرا دووارە ئاوەدانکردن پارێزگاگە کرد، و قەرەبووکردن خاوەن قوربانیەیل کیمیاواران.
دووپات کرد ک لەوەخت ئاڵشتبوین رژیم خوازیمن دووارە بنووڕیمنە گشت ئەو گامەیلە ک لەو ماوە نایمنە.