شەفەق نیوز/ نێچیروان بارزانی سەرۆک هەرێم کوردستان، ئمڕوو شەممە، دووپات لە گرنگی ئەوە کرد کە هیزەیل پیشمەرگە و ئەو هیزەیل پیشمەرگە لە هەرێم کوردستان دەزگایگ سەروەخوەی و دویر لە وەردەوەردەی سیاسی و حزبی بوود، و داوا لەو هیزەیل سیاسیە کرد کە لە هەڵوژاردن کوردستان سەرکەفتنە دەسبکەن وە گفتوگۆ جددی و بیناکەر ئەرا دروسکردن حکومەت نوویگ هازدار و کارا.
ئەوەیش لە وتاریگ لەناو ئاهەنگ دەرچگن خول چوارەم ئەفسەریل لە قەڵاچوالان پیشکەشی کرد.
نێچیروان بارزانی لە وتارەگەی وت: ئیمە لە هەرێم کوردستان باوەڕ قویلیگ دیریمن کە پیشمەرگە و ئەو هیزەیل چەکدار ئیمە، بایەسە و گرنگە دەزگایگ نیشتمانی و پیشەیی سەروەخوەی بوود، و دویر لە هەر شیوەیگ لە شیوەیل ناکۆکی و ململانێی سیاسی و حزبی، و ئەو هیزەیل هیز نیشتمان و گەل کوردستان بوون وەگشت پیکاتەیلی.
وتیش: پیشمەرگە بەشیگ گرنگ و سەرەکیان لە سیستم وەرگریی عراق، ئەراوا وەرپرسیاریەتی عراقە لە گشت لاییگەو پاڵپشتیکردن پیشمەرگە بکەێد، وتیش؛ ئیمە و وەشیوەیگ هەمیشەیی و جددی کار کەیمن ئەرا قایمکردن توانای هیزەیل پیشمەرگە تا بتوەنێد وە خاسترین شیوە نواگیریکردن هەر سەختی و هەڕەشەیگ بکەێد، جویر ئەوە کە هەمیشە قەڵغان قایم کوردستان بویە.